هلا بالمتغليه...بالنسبه لرايك عن النظره الشرعيه فاظن ان العضوات ماقصروا :21:
طيب ممكن يكونوا خجلوا انهم يسالوا اذا اهلي متطلقين او لا..
يعني يمكن قالوا انه لو فعلا هم متطلقين فالمفروض نحن الي نقولهم من الاول و لكن بما ان امي و اخي لم يتكلموا عن هذا الموضوع فهم فضلوا الانسحاب بهدوء

انا بعد افكر كيف هو يغير نظره و تفكيره عن الزواج بهذه الطريقه...
ولكن لو فعلا الخلاف هو سفر الوالد و اعتقادهم ان اهلي متطلقين...فاظن معهم كل الحق انهم يغيروا رايهم
صدقيني رايك مقتنعه جدا فيه و خاصه اني امشي الامور و اخليه ينوعد و يرتبوا كل شئ و بعدين ارفض... :11:
بس ما اكون سويت الزواج لعبه :44::06:

لاتفكري بالموضوع..بس لو رجعوا وخطبوكي فكري كوييييييييييس سواء بالقبول او الرفض..وان كان الرفض

فلاترفضي لمجرد الرفض..فهمتيني؟؟:)

اختي الموضوع قسمه ونصيب لازم تؤمنين بهذا الشيء
هو ما رفضك لان عائلتك فيها عيب او لانك انتي فيك عيب
هو رفضك لانك انتي مو نصيبه
ونصيحتي لك لا تشغلين بالك بهالموضوع ولا تبنين امال وقصور من رمال
الزواج مو لعبة شطرنج على كيفهم ساعه يخطبون وساعه يرجعون ويغيرون رايهم
وصدقيني انتي مو اول بنت تمر بهالموقف لكنلازم تكونين قويه ويكون عندك ايمان ان نصيبك الي كاتبه لك ربك راح يجيك اليوم والا بكره
قولي الله يسهل ويرزقك بأبن الحلال احسن من هذا
ولا تنظرين للجانب من ناحية عائلته وعائلتك
ترى بالنهايه انتي وياه راح ينصك عليكم الباب ولا فيه احد معاكم لا اهله ولا اهلك

انا اقولك ومن منطلق نظره بعيده
اصرفي نظر عن هالموضوع
ولا تدخلين في حسابات معقده
وانسي هالسالفه
وربي يجيب لك الي يستاهلك


مع حبي
انت الحياه

الاخ وقفوا شوي والاخت الاحزان
لاحضوا انا قلت بنسبه لنا يعني بنسبه لقبيلتنا وجماعتنا عامه لا وبعضهم يتزوجون على مدح امه او اخته او اي وحده من محارمه لشكل هالبنت يعني مايشوفها قبل الملكه خير شر ولا حتى يتجرا يطلب او انه اساسا يعرف شكلها قبل لا تتغطا وهذا الاغلبيه لاننا من {ربع} الي ماتاخذ البنت الا من نفس القبيله لا عفوا من نفس الفخذ بعد بدووو والشكوى لله :(

وطبعا في ردي السابق ماقصد كل السعوديه ولا كل العالم لاني برضو عايشه في هالمجتمع واعرف ان فيه كثير يكون عندهم نظره شرعيه قبل اي خطوه في الزواج شرعيه
لكن اتنرفز من الي يشوف ويتفرج وينسحب بدون عذر منطقي وهذا مو اول موضوع هنا اقراه فيه مثل هالشي

بخصوصك اختي الاحزان
حاستك مقتنع في هالشاب وجدا عاجبك لكن مانصحك ابدا تعطينه فرصه يشغل تفكيرك لانك بكذا بتعلقين فيه زياده وهو لسا مو اكيد انهم ناوين يرجعون يتقدمون لك

انصحك تشغلين وقتك وتفكيرك بشي يفيدك وخليك ع طبيعتك وان شاء الله الي الله كاتبه لك راح يصير لكن ادعي ربك وكثري من الاستغفار والله يوفقك ان شاء الله :26:

..

.

طيب انتي تقولين انها لمن شافت امك طلبت الرقم .. طيب وين كان رقمكم؟؟ وليه ما اهتموا فيه واحتفظوا به دامهم بيرجعون؟؟ وافرضي انها ما قابلت امك من وين كان بتجيب رقمكم؟؟<<إلا اذا كان عن طريق احد اقاربكم شيء ثاني:21:

مدري ليه أحس إن الموضوع عادي وانهم حابين يصيرون أصدقاء لكم.. وأحسك انك متعشمة خير في الموضوع ومن كثر ما تبينهم يتهيألك انهم بيرجعون..:(

يا عزيزتي لا تفكرين فيهم حتى ما تنصدمين للمرة الثانية .. ولو أنا كنت مكانك ما راح أوافق عليه أبد بعد ما رفضني .. أبد أبد..والله مشاعري مو لعبة عندهم وعند ولدهم..


ما أقول غير الله يرزقك بولد الحلال اللي يسعدك ويهنيك .. ويكتب لك مافيه الخير دوم..