ام العروس تطرد طفل من العرس لان المعرس ابوه

ممكن اعرف رأيكم
عندي اخ مطلق و عنده طفلين الكبير عند أمه و الصغير عندنا عمره سنه و شهرين و الحمدلله لقينا له بنت الحلال و وافقوا الأهل و تم كل شيء و وافقوا حتي ان البنت والام قالوا ما عندهم مانع جيبوا العيال نحطهم بعيونا و البنت راضية بالعيال و لما جاء يوم الزواج تفاجئنا بقرار الام و تو داخلين القاعه انها ما تبي الولد الصغير في الزواج تقول صرفوا نفسكم خلوه في الشارع او عند الحارس او اي مكان المهم ما يحضر الزواج مافي عريس يجيب ابنه معه
المشكلة الولد جدته اللي هي امي مربيته
طيب وين نوديه عمره سنه و شهرين
و طوال العرس و هي حاقدة علينا حتي أرسلت اصغر بناتها تقول لنا وش جابكم في العرس هذا عرس اختي طيب المعرس اخوي و هو اللي مسوي العرس مو اختك
و تحملنا لحد ما خلص العرس ما نبي مشاكل
وش رأيكم هل من حقهم يسوون كذا عشان طفل صغير ما يفهم وين الله حاطه
مع ان القاعه مليانه عيال كثير