ام امهات الاطفال ادخلو الله يرضى عليكم

الله يعافيكم عندي ولدي الأسبوع الي طاف طلعنا للمنتزه وكان هواء شوي وأول ماجينا قال بطني تعورني وحسبته عادي التهيت ويوم جاء بكرى اَي حاجه ياكلها يستفرغ على طول لو مويه يوم كامل ياكل منا ويستفرغ منا ومن جاء من بكرى الظهر شلته على المستشفى مغذي وابر وعقب جينا بنطلع حسّيت الولد طايح ماتغير فيه شي بس يبي ينسدح على فكره ماعنده حراره بس بطن وتطريش ورجعت لدكتور قلت ماشفت فايده من المغذي الولد طايح قال اجل تنويم وتنومنا ثلاث ايّام على المغذيات وجاء اسهال وعقب شفت ماستفدت من المشفى وطلعت للبيت من امس وهو طايح ذبلان ي عمري قطع قلبي مايلعب ولاشي الإسهال خُف والتطريش يمكن مره باليوم والإسهال مرتين او ثلاث بس طايح مايلعب ولاشي مافيه حيل بمشي معقوله النزله المعويه تسوي كذا تكفون طمنوني الي مرت بنفس حالتي والله تعبت حتى يومي كله متضايقه عليه كان حيل حرك ومزعج الحين بس طايح