هذي قصيده لام فقدت ولدها البكر فيصل رحمه الله وترثيه بهذه الابيات اسال الله ان يجبر مصابها
ياقبر انا لاجيت يمك تمنيت
اني بداله تحت الاحجار مدفون
ودي يكون الحي عمري وانا الميت
لو الثمن كل المخاليق يفنون
ياقبر فيك اللي على ابوي سميت
دايم وانا مع قرة العين مشطون
ياقبر لوتدري بعد ويش كنيت
لتقول ليت الموت ماكان مسنون
ياقبر والله ماعنه يوم سجيت
اسمع صدى صوته وانا منه محزون
كم مره باسمه على اخوووه ناديت
والناس من حولي يقولون مجنون
اذكره حتى يوم فالفرض صليت
والناس باسمه لابغوني ينادون
ماتدري انه كان لي شمعة البيت
وانه يساوي الكون والكون والكون
واني اشوفه كل مااصبحت وامسيت
قدام عيني خطوته دوم بالهون
مانساه لواني دلهت وتناسيت
ودنياي عقبه ياملا مالها لون
وقت العزاء لوي تظاهرت واخفيت
حزني عن اللي في فقيدي يعزون
لكن تراني من كثر صبري ازريت
وعقب العزاء بيحت انا كل مكنون
الله من ليل بتاليه ونييييييت
ونة كريم داخل السجن مديون
والله من ضلع بعاليه عديت
ودموع عيني فوق خدي يهلون
انا اشهد اني عقب فرقاه وليت
والحال عقبه صار من دون في دون
ياقبر انا بنشدك بالحزن حسيت
في قلب ام صار بالهم مطعون
هذا شعوري يوم يومك تعنيت
والله يفرج هم قلب به شجون
مرحوم ياللي طلته كنها الليت
اعداد ناسا بالحرم جو يصلون
وانا اطلب الله يوم للمقبره جيت
اصبر والسلوان والثالث العون
ماغيره احدن في حياتي ترجيت
ورضيت بامر اللي له الكاف والنون
منقول
لاجل عين @lagl_aayn
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
اللهم ارحم موتى المسلمين