تقدرين
انا قدرت اغير وقت نوم بنتي وهي بعمر عيالك ماشاء الله
كانت عند اهلي وكانو ينامون النهار ويصحون الليل
وخذتها وهبلت فيني لان عندي عيال في المدارس وزوجي يبغى بيت نظيف وبيتي محتاجني وتدريس وغيره
كلن قالي : ماراح تقدرين
وش سويت جلست مع نفسي وقويت ارادتي
لكن عطيتها مهله مفتووحه ( يعني مادورت نتائج سريعه ) حطيت لي شهر شهرين ثلاثه المهم اني اوصل للنتيجه بدون اعراض جانبيه مثل العصبيه للبنت والتعب
اوفر لها وقتها في النوم يعني ما امنعها من النوم اذا بغت لانها بتعصب وتتعب وتتغلق
تخيلي كانو يروحون العيال للمدارس وهي لسا مانامت !!
صرت انومها الصبح وانام معها اليين الظهر ( طبعا ممكن تصحى ترضع ارضعها وترجع تنام )
ويجون العيال احاول تكون صاحيه يعني خلي باب الغرفه مفتوح تسمع اصوات اخوانها وتصحى بدون بكاااء شديد وغلق
اخليها معنا اليين تطلب النوم ثانيه ممكن على الساعه 2 تنام
اخليها تنام بعض الاحيان ما تصحى الا على نومة العيال العشاء واذا قدرت خليتها تصحى قبل يكون تمام
وصرت احاول اقلل نومها بالنهار نص سااعه كل كم يوم
وابكر بتنويمها بالليل
يعني اول يروحون للمدارس وهي ما نامت احاول ادخلها قبل بنص سااعه
وبعد كم يوم اصحيها بالنهار قبل بنص سااعه وانومها نفس الشي
وبعد 3 اسابيع وصلت يمكن للساعه 1 الفجر تنام
وتعبت ومرضت وصار نومها محيوس استجبت للحوسه لانها مريضه
وجلست اليين خفت
ورجعت احاول
ثم جاء رمضان وصار البيت كله ما ينام الا الفجر
ولما خلص رمضان حاولت بالجميع وماشاء الله والحمدلله اللحين ننام 12 او 12 ونص ونصحى قبل الظهر
وبحاول بعد انيمهم قبل بس بالتدريج
على فكره بيجي يوم ترفض تصحى وتحسين انها ممكن تتغلق اخليها تكمل نومها وتخرب الجدول
ويجي يوم ترفض تنام مبكره واخليها على راحتها من غير عصبيه وطبعا تخرب الجدول
وحطي ببالك اذا ما استمرت اسبوع على نومها اللي انت تبغينه ممكن ترجع وبسرعه للنوم القديم
يعني حاولي الله يعينك

انا عندي توأم مااخليهم يطولون نوووم في النهااار

مو صعبه ومب حل تنام معهم وتصحى معهم وتنسى كل شيء

انا عندي توام ونظمت نومهم عمرهم الحين 8اشهر
اول شي صحيهم الساعه 11 او 12 الظهر
والقيلوله تكون عالعصر او المغرب بس ماتتعدى ساعه ونص وبعدها لازم تصحينهم
وماتجي الساعه 11 الا وهم دايخين رضعيهم وغيري لهم وينامون باذن الله

الله يعينك بصراحه نفس المشكله اعاني منها وانا ماعندي تؤام بس والله مغلبيني واحد ف المدرسه وثنين صغار وكل واحد ينام لوحده بس احيانا اخرج عند امي واطول عندها عشان نومهم يتصلح

انا ربي رزقني بتوأم والحمدلله من نفس سن اولادك وكان نومهم منظم وهم الان 5 سنين الله يحفظهم..
لازم تكوني حازمة في مسالة النوم..انا كنت انيمهم قيلولة لمدة ساعتين مش أكثر أبدا ولو ماصحيو لازم انا اروح اصحيهم بلع وحنان لغاية مايصحو ..وهادي تكون على الساعة 3 العصر ..
وبليل ينامو على الساعة 10 بليل ولازم تعملي طقوس للنوم مثل لبس البيجامات والتغيير وشرب اللبن وتدخلي معاهم تحكي قصة والنور مقفول وبعدين تقرأي قران بصوت هادي او تشغلي شريط وانت جالسه جنب سريرهم (الافضل تجلسي جنب السرير _لكن ماتكوني ملاصقة لهم حتى يدخلو في النوم..يعني احضني وبوسي وكله بعدين اجلسي في مكان قريب)..
طبعا هتاخدي شوية وقت لغاية ماينتظمو لكن المهم انك تلتزمي جدا يدلك..
انا فضلو كدا لغاية 3سنين تقريبا ..بعدها بدأت فترة القيلولة تقصر ..وبعدين الان مافي قيلولة ابدا بس في الاجازة بيصحو على 10 تقريبا وينامو على 10 (بيدخلو السرير ويطفى النور وماحد يخرج من الغرفة لكن بيكونو براحتهم يتكلمو مع بعض لغاية ماييجي النوم)
اما مع الدراسة بينامو 8 مساء وبيكونو خلصانين ومافي قيلولة غير مسموح بيها..
انا اتكلمت كثير معلش بس حاسة بمعاناتك فحبيت احكيلك..