ام جديدة وفيني خوف على ولدي من كل شي..ابي علاج للكحه والزكام

السلام عليكم

يارب الجميع بصحه وعافيه


اول شي ولدي باقي له كم يوم ويكمل سنه وشهر الله يحفظه لي يارب ويحفظ لكم اولادكم ويحميهم من كل مكروه


المشكله الاولى ان ولدي صار له تقريبا شهر ماسكه معاه كحه ومن اسبوعين تقريبا بدا الزكام


اول مره وديته لدكتور ووصف له مضاد واكسيلين

مع اني اخاف من الادويه بس عطيته لانه كان يصحى من نومه على كحه شديده ما اعرف كيف اتصرف معاه تطول ماتوقف

عطيته الادويه مدة ثلاث ايام لانها مره خفت الحمدلله وكان المفرض 5 ايام بس اخاف عليه من الادويه

بعد ماوقفت الادويه رجعت زادت

رجعت عطيته اكسيلين بدون فايده

وقفته ووديه للدكتور هاشم المساوي وصرف لي فنيستيل ودوا ثاني للكحه

واليوم لنا سبع ايام

حسيتها اول يومين من الدوا خفت

والحين رجعت بس الحمدلله اهون من قبل لكن تعتبر شديده نوعا ما

خايفه عليه من كثرة الادوية

مدري ايش اسوي معاه

قال لي الدكتور بعد الاسبوع اذا ماراحت رجعيه عشان يمكن يكون معاه حساسيه

ومره قلقت وخفت عليه .. طمنوني

ابي تجاربكم اللي ممكن تفيدني اكيد كثير منكم مروا بهالاشياء ابي الحل

__________


مشكلتي الثانيه ان ولدي نحيف وصاير ماياكل الا بالموت وشي مررررره قليل ماينذكر

ابي اعرف كيف انوع له ايش الاكلات المفيده له ولو فيه فيتامينات تفتح شهيته وتسمنه


____________

ثالث شي

اني ارضعه طبيعي وابي افطمه لانه مافيني شي يكفيه

وهو صار يرفض الرضاعه بالقوه ياخذها ويتعبني لين ياخذها

وموعارفه كيف اتصرف معاه عشان افطمه

جربت حطيت البن عشان يكرهه بدون فايده وحطيت كتشب كلللل شي بدون فايده

وانا مشكلتي مره اضعف لما يجيني ويبكي شوي ارضعه مقدر اخفف نفسي افطمه مره وحده

ابي اعرف ايش اسوي معاه