ام حزينه على اولادها

:44:السلام عليكم انا خلاص احس الدنيا اسودت في عيني وما انام بس افكر في اولادي وكيف بتكون حالتهم بتكون اذا كبرو الحمدلله على كل حال المهم انا بدات معاناتي مع طفلي التاني بعد تقريبا شهرين صارت ترتفع حرارته بشكل موطبيعي وبوله الله يكرمكم قليل مره طبعا اخدته عالمستشفى وتنوم لان طلع صديد في البول بعد ماعالجوه خرجت بعد اسبوعين تقريبا رجعت الحراره وتنوم وطلع عنده دم في البول وعملو له اشاعه للكلى :(وهنا كانت صدمتي ومن بعدها تغي:(رت حياتي مائه وتمانين درجه ماتتخيلون كيف لما قالولي نتيجة الاشعه جلست ابكي وطحت من مقامي والدكاتره يحاولون يهدوني مو حاسين انه هذا ولدي وفلذة كبدي المهم طلع عنده تكلسات في الكلى اوترسبات املاح الكالسيوم في الكليتين حولونا بعده على استشارية كلى اطفال في المستشفى الجامعي بالرياض لاني انا من جده بس ساكنه في الرياض عشان عمل زوجي بعد 6 شهور حملت وانا ماادري وولدي عمره 6 شهور وانصدمت لانه صغير بس حمدت الله وقلت ****لله تطلع بنت وتكون سليمه لان ولدي الكبير عمره 6 سنوات سليم والحمدلله لكن كان لحمل نازل وتعبت وطبعا قررت اني اولد عند اهلي في جده وكمان اهل زوجي وحجزنا التذاكر على اساس اسافر اول التاسع لان مالي احد في الرياض حتى جارتي اللي تعرفت عليها من جده وكانت مسافره في الصيف عند اهلها لكن ربي ماكتب اني اولد عند اهلي وولدت اول يوم في التاسع في الرياض وانا مااعرف احد تخيلو وولدي ياحرام صغير كان عمره سنه يالله هدك اليوم كان كئيب وتعسرت ولادتي لان عندي طلق والرحم مو مفتوح المهم ولدت اخيرا لكن بنتي كان وزنها مره صغير كيلو وتمانميه وماكملت التاسع المهم ماخرجت معايه جلست عندهم شهر والصدمه العظيمه:44::44:انه طلع عندها نقص ماغسيوم وكمان زي مرض اخوها بعدها خلاص انا يئست :44::44:وكمن مع الاكتئاب مابعد الولاده ومافيه احد عندي والعياذبالله فكرت في الانتحار وتمنيت اني اكون مريضه زيه لاني مابغاهم يتالمو وانا ماقدر اعملهم شي ومااقول الاالله يشفيهم والحمدلله على كل حال ولان نراجع فيهم الاتنين عند الدكتوره عاليه ال ابراهيم في الجامعي واسم مرضهم نيفروكالسيونسس اذا احد سمع فيه او احد شفي منه ارجوووووووووووووووكم ساعدوني وطمنوني الله يف همكم وهمي وهو عباره عن ترسبات املاح الكالسيوم في الكلى وعندهم الكالسيوم زايد عن الحد الطبيعي مع ان بنتي عمرها دحين عشره شهور بس ماتجلس ولا تحبي بس تنقلب ساعدوني الله يخليكم ويشفي كل مريض:44::44: