ام ديكتاتورية

السلام عليكم
كيف حالكم بنات
اخر فترة صرت اسمعها كثير من زوجي
انتي ام ديكتاتورية

بسبب تربية الابن البكر والبنت
بنتي صغيرة وكنت رافضة انها تحمل جوال لكن هو مشى كلمته واشترى لها بحجة ان العالم تغير وشوفي بقية البنات كلهم معهم جوالات يقصد بنات اخوانه واخواته

ربطته على جوالي عشان اعرف ايش تدخل عصب يقول لاتعقدين البنت انا ما اسمح خليها تعيش حياتها عند بيت ابوها

انتبهي تضربي احد منهم انا ضد عقلي الضرب واذا ضربتيهم انا خصمك
ثاني جوال تكسره البنت برعونة منها ولما اجي اكلمها يقول انتي ماخذة طباع امك ديكتاتورية وعصبية كذا بتعقدينهم
ما اصرخ عليها ولا اضربها بس اعاتبها مايعجبه
لما اشرح انه بسبب اهمالها يقولي بخيلة وكلنا نكسر جوالاتنا وكلنا معرضين للغلط

يسرف عليهم وانا ماعندي مشكلة بالعكس على قلبي مثل العسل
اخر صيحاته بعد ماعلم الولد يسوق قال بشتري له سيارة
رفضت

انتي ام ديكتاتورية انتي وحدة معقدة الولد كبر حرام عليكي
كبر حسيت عمره ٥٠ سنة الولد عمره ١٥ اي سيارة هذي بيسوقها اساسا بهذا العمر ماتطلع له رخصة قيادة
مع انه كان مشدد شوي مع الولد بحجة التربية بس سبحان مغير الأحوال 🤔

مايتدخل بتربيتهم ابدا هو اغلب وقته خارج البيت ولا يخلى الموضوع من سفرياته بحجة العمل بس يستقعد لي
صرت احس اني غلط سحبت يدي وقلت ربيهم انت قال هذي وظيفتك انتي انا ماعندي وقت لتربيتهم

تاركني وعايش حياته بعدين يرجع يتهمني اني طاغية واني معقدة

قايمة بالبيت كله طبخ ونفخ وتتظيف وفوقهم ٦ وعندي طفل صغيرعمره سنتين لوحده لازم اتفضى له
خدامة من سنين احاول فيه رغم انه مقتدر يرفض يخاف منهم وتكرم علي يوم ولادتي وجاب وحدة من بيت اهله تساعدني