ام رواف ونواف/دعواتكم لها بالرحمة والمغفرة/الله يرحمها

بسم الله الرحمن الرحيم
اول شي ابي اقولكم اني في هالتجمع احس براحه لو بس اقرا وبقول ان جد اشتقت لكم حيل الكل ان كان جديد او قديم يكفي انا تجمعنا على حب ودعوة لبعض بظهر الغيب حلا قهوة اشتقت لك ابتسم وفاتنه والجميع والله

ثانيا مافتحت الموضوع ابي ردود فتحته بس عشان نفسي اتكلم وتضحكون علي ما ادري بايش ودي اتكلم بس الي اعرفه اني في داخلي كثير كلام ماقد من يوم ماطلعت من المستشفى تكلمت
حتا خواتي حتا اخواني حتا اقرب الناس لي امي نفسي احضنها واتكلم
مو عيب الشخص يمرض ولا عيب انوا يتكلم بمرضه ولا عيب انوا يتالم يمكن يلاقي الي يخفف عنه بس انا مؤمنة تماما ان العيب اني الجا لاحد غير ربي الناس مو ملزومه فيك ومن لجا لربه مارده سبحان الله اجد راحه تامه وانا اشتكي له بس العيب الاكبر ان ماتقدري تقاومي وتتمسكين بارادتك وهاذا الي صار معاي بعد ما دعمت نفسي بعد ربي وزوجي وقف جنبي الى الان والله الحمد الله يارب بس لمتا ماتوقع يصبر انا بديت احس بالضعف اذا بكى احد من عيالي ماقدر اقوم اجيبه عندي صار كل اعتمادي على الحريم لدرجة صاروا لو ابي العب معهم واضمهم مايبون يبون الحريم صرت اكتم واكنم لاني ماعطيتهم حنان ومو بيدي كل هاذا غامرت بالعملية عشان ارتاح من الجرع بس مو بيدي اني ماتحرك ربي اراد ادري بس بعد ما كانت ارادتي قوية الي يصير بعيالي يخليني اضعف زوجي متحمل لو تزوج ترا مالومه بس ماتتوقعون في داخلي بركان مانفجر اكبته بايماني بالله وبارادتي
بس جالس يخف واضعف لاني عودت نفسي ماتكلم وماشتكي الى الان
كتب هالموضوع عشان اطلب من المسؤليين على القسم ووابي انادي كل الي كانوا موجودين حلا فاتنه قلب جوري وكل البنات اعذروني مو مره بسرهة الكتابه بس اناديكم كلكم لو مو انا بس بحاجتكم احنا بحاجة بعض نقوي بض ندعم بعض نخفف على بعض مو نواسي لا ندعم انا عايشين طبيعي التجمع صار في ركود انا اتكلم عن نفسي انا صرت افتقد اني ارتاح لو اقرا ماقدر اشتكي او اقول او اي شي بس لو قرات ارتاح لو كتبنا نرتاح
مدري من حفي اطلب الطلب هاذا او لا بس ابي رجعتنا لهالتجمع ندعي نستشير نفرح نحزن مدري مابي اطول بس جد انا تعبانه وترا بالكلام نخفف على بعض