هلا فتونه منوره ياقلبي الله يسعد قلبك يارب
وطن ياحياتي يدك ذي الي قبل فتره انكسرت ؟؟ الله يكون بعونك طهور ان شاء الله

تدرون اليوم بالذات احس اني في عالم ثاني خواتي سووا مفاجئة وجابوا لي صديقاتنا والي مقربيين لي حتا بنات عماتي تدرون رفضت اقابلهم قبل عمليتي وبعد بعدت عنهم كثير كانوا يتواصلون تلفون بس بس انا دفنت عمري مدري ليه بي احساس غريب يوم خواتي قالوا بنجيب كل شي بس سوا قهوة ماتتصورون خواتي جابوا الاكل والحلا استغربت كل هاذا ليه يوم جهزوه ورتبوا حتا زوجي متفق معهم ماشفته قالي بطلع عشان تاخذون راحتكم بالغداء يالله ماقدر اوصف الشي الي صار يوم دخلوا علي
يممكن خجلت شوي عشان اني ماقدرت اقوم لهم ارحب فيهم بس يوم صديقه لي ماشفتها يمكن سنة والله يالله ارتمت بحضني وبكت بس مابكيت انا صرت اضحك وحضنتها بقوة خجلت ابكي ماحسسوني اني انا عاجزة بس كل شي قلناه وحكنا وتريقه كل شي كل شي بس يوم طلعوا بكيت في غرفتي بكيت طاقة يابنات فوق العادة بكاء مع صوت عالي حريمي شكوا ان في شي بس ارتحت وصديقتي اقترحت ان نجتمع كل اسبوع عند وحده بس طبعا انا رفضت اطلع بس قلت ان يجتمعون عندي بس اليوم كسرت الحاجز الي فيني اني اطلع على الناس خلوني اشوفهم غصب عني بس شعور حلو
يدي تعبت بس حبيت اقول اني كسرت عجزي اليوم وي الحمد الله يابنات والله اني فرحانه

ام نواف اولا بجد فرحانه مب فرحانه الا طايره من الفرحه قسم بالله يوم قريت ردك رحت بعالم ثاني فعلا ماشاء الله انجاز عظيم ام نواف انتي حقا انسانه عظيمه وقويه بربك قويه بإيمانك قدرتي تكسري هالحاجز :icon28::icon28::icon28:
اهنيك من كل قلبي ياحياتي الله معك في كل خطوة من الفرحه مب قادرة اعبر عن شعوري صدقيني مب قادره الله يسعد قلبك ويشرح صدرك ويريح بالك ويحفظك ويحفظ كل اهلك واحبابك

ماتحسين الفرق بين انك تبكين تبكين وتكتمين هالدموع وتكبتين وحلقك يورم من كثر ماتبلعين بهالدموع ويم انك تاخذين راحتك بالبكا ويرافق ذالك صوت وشهقات ودموع يالله فرق شاسع سبحان الله بجد الواحد يحس براحه لمان يبكي وبصوت بعد ويرافق ذالك هتافات للرب تبارك وتعالى الله يبعد عنا جميعا كل هم وغم ومرض ويجعل ايامنا كلها افراح ومسرات :)

حبيبتي حبيت اوضح نقطه ان انتي قصدك بالحريم الي هم الشغالات صح لان اهل الرياض يقولون للشغالات حريم طبعا اذا ماكنت غلطانه لان اغلب الي يقرأ يلاقيك كاتبه حريم ودهم يفهمون منهن الحريم والله اعلم :26:

هلا والله ياام نواف حركات والله وأنا أقول ايشبها غايبه عننا
صار من لقى أحبابه نسى أصحابه
والله ياقلبي فرحنا لفرحتك والحمد لله الى ربي سخرلك أخواتك وصحباتك
وسبحان الله حتى أنا لما أحد يبكي عندي ويكون البكاء علي تجيني طاقه عجيبة اتحمل واصير اضحك واخفف عن الشخص
مادام حتى انتي فطمنتيني على نفسي اجل حالتي طبيعيه
ونستنى جديدك كل أسبوع معاهم حكينا ايش يصير معاك بنعيش جووكم احلى شئ جمعة الأحباب

جوري لك وحشة يابطة من متى عنك ؟ايوه عجبني سؤالك كنت بسأل ام نواف عنه وسبقتيني
كل مرة أقول ايش قصة الحريم دووول