ام زوجك او امك .... ادخلي واقري وعطيني رأيك بكل صراحه بدون مثاليه مهم تدخلين

إذا كانت أمي باخذها عندي
يا أنا أغير لها أو بجيب لها ممرضة أو خادمة تحت اشرافي
تتحمل بها ولا بخلي زوجة أخوي تتكفل بها
لأن أنا بنتها وأولى فيها

أما لو كانت أم زوجي
بناتها أولى يتحملون بها وأنا صراحة ما أقدر أتحملها
حزة الجد خل بناتها يشيلونها

والله انا عني امي راح انا اعتني فيها انا واخواتي يعني نقسم الوقت كل اسبوع بما اننا متزوجات وكل وحده بمكان
اما ام زوجي اذا ماعندها بنات او عندهم ظروف تمنعهم عن امهم ماراح اقصر ويااااها ابدا
اما اني اخلي امي تغسلها زوجه اخوي لالالالالالا

وعلى فكرة
زوجة الولد مهما كان بتقرف منها لأنها مو بنتها
ولأن أم الزوج مستحيل تقوم مقام الأم
وبصراحة ما أبغى أحط أمي في موضع إن أحد يقرف منها

صارت حرمة كبيرة بالسن ولما كنت صغيرة شالتني
وغيرت لي وأكلتني وشربتني وكنت أزوع وأوسخ الحفاظ
ما قرفت مني
ألحين يجي دوري أرد الجميل والمعروف

أما أم زوجي مو مسألة ما أحبها أو حاجة زي كذا
لكن بصراحة ما أقدر أتحمل غير أمي
خل بناتها يشيلونها لأني بصراحة أقرف وما أستحمل

والله لا يحطنا في هالموقف عند الكبر

البنت اولى بامها وببرها - لكن اذا كانت زوجة الولد تبي الاجر واحتساب الثواب من عند الله راح تتولى الامر على اكمل وجه

ماتوقعت ردودكم كذا الحمدلله الدنيا بخير


فيه ناس يقولون بما ان امي لها بيت احسن تكون ببيتها ونجي عندها شرايكم بكلامهم
يعني متى تجون يعني بيصير كأنه مستشفى مايصير الام بتحتاج عنايه واهتمام واحد يقابلها اربع وعشرين ساعه