ام زوجها تستعر منها

كل عام وانتم بخير ياحلوات

بنات حبيت استشيركم في شغله عن قريبه لي متزوجه لها سنتين تقريبا ومتزوجه زوجها عن حب يعني هو اختارها
المهم هي شاكه ان ام زوجها ماتبيها او بمعنى اصح مو عاجبتها كشكل او جمال وتحس انها ماتناسب ولدها بس الشهاده لله ماقد قالتها لها صريحه لا بس يصدر منها حركات تجرحها احيانا مع انها دايم تمدح في اخلاق قريبتي وطيبتها بس الشكل لا
المهم ام زوجها ذي معلمه وعمرها في بداية االخمسينات يعني توها بس دايم تحرج قريبتي وتضايقها وانا اقولها صدقيني ماقصدها شئ بس هي مصره الا ان ام زوجها تقصد شئ بكلامها وحالفه لتكلمها وتفهم منها السالفه وانا اقو لها استني خلينا نشوف اكثر من راي وبعدها نقرر

المهم من حركات ام زوجها مره قدام حريم تقول لهم انا ماشفت حرمة ولدي ذي الا في الزواج وقريبتي استغربت وطالعت فيها مع العلم ام زوجها جت شافتها مع ولدها وبعدها حضرت الخطبه وبعدها زارتها من خمس الى ست مرات وهي خطيبه لولدهم وبعدها حفلةالملكه وزارتها كمان في فترة الملكه ثلاث مرات وبعدين الزواج
وقريبتي استغربت ليش تكذب قدام الحريم الا اكيد انها تبغى تبين قدام الحريم انها مو اختياري بس تورطت فيها :44:
ومره وحده تمدح قريبتي قدام ام زوجها وقامت ام زوجها تناظر قريبتي وتبتسم بسخريه
ومره بعد في جمعة حريم جت قريبتي بتجلس الا تسمع ام زوجها تكلم وحده جنبها وتقول والله انا مابغيت لولدي الا بنت اختي جمال صدق وبعد احلى احلى من حرمة ولدي لكن الدنيا نصيب :44:

ومره جالسين يخطبوا لولدهم الثاني وجت قريبتي تقول مين رح تخطبون له قالت والله مابخطب لولدي الا وحده حلوه وتطالع اختي من فوق لتحت بنظرة استحقار :44:

وماتفتخر فيها ابد يعني ماتحب تروح فيها عند الناس ولاتحب احد يشوفها تتضايق واذا كانت عندهم وجو حريم تقوم تصرف قريبتي وتقولها روحي ارتاحي ومدري ايش عشان مايشوفوها :44:

المهم انتم اللحين تخيلتم حرمة ولدها تفجع والا مشوهه او فيها بلاء لكن لا والله انها كانها لبنانيه طويله وجسمها مرسوم رسم وملامحها بيبي فيس بقوه وشعرها نص ظهرها ومره كشخه ماشاء الله عليها تبارك الله

لكن خلاص فقدت الثقه بنفسها من حركات اهل زوجها واللحين تقول بتركب بريسزز وتسدحت عليها ضحك لانه اسنانها مرصوصه رص لكن محتاره اش تسوي بنفسها عشان تعجبهم كل شئ سوته ودايم على سنقة عشره مسكينه تقول لعل وعسى اعجبها وتبطل تجرح فيني

ايوه نسيت اقولكم ترى قريبتي هذي قبل فتره قاالت لام زوجها انها راحت زواج وشافتها وحده وانهبلت عليها وبغت تخطبها لولدها بس قالتلهم انها متزوجه وفرحت ام زوجها مع ان قريبتي كانت متوقعه ان ام زوجها تضحك عليها او تستحقرها بس بالعكس فرحت والله واستغربت قريبتي منها ماعرفتلها
ومره بعد يوم ولدت قريبتي جالها ولد حلللو بسم الله عليه وقامت ام زوجها تقول نصه لابوه ونصه لامه وامه وابوه الحلا كله

بس انتم اش تشوفوا تكلمها قريبتي وتتفاهم معاها لاعاد تحرجها قدام احد والا تبقى على حالها وتتعب نفسيتها كل يوم اكثر من الثاني :44: