ام زوجها قلبت حياتها ساعدوها قبل ماتنهدم حياتها

طلاق وش الانهزام هذا خليها تستعيذ بالله من الشيطان الرجيم

وبعدين مش اخر الدنيا انه اخد منها المحمول واذا رح تخرب الدنيا ولا الا عمال بتتتوقف صلوا على النبي

والرجل ما سوى شي بر بامه واذا قعد معاها وراعاها ترى اللي ما فيه خير بامه ما فيه خير في الناس

الحل الوحيد هو انها تسكت وساعة بيروحون العزبة تجهز لهم شي ياكلوه وشاهي في ترمس و

ومن باب المجاملة تقول لعمتها تبيني اروح معك طبعا ردها لا ترد عليها تروحي وتجي بالسلامة

في داخلها تدعي يامالك الممالك نجينا من المهالك

وخلاص

الام لو فعلا تعبي راس ولدها على حرمته المفروض الزوجة تبين لزوجها كيف انها تحترمها وتقدرها

وتخدمها بعيونها وحبها من حبه

موفقين

بس انسوا كلمة الطلاق عاد

أقول هذا معناته ان الغيرة اشتعلت في قلب الأم
لازم تراجع حساباتها في تصرفاتها مع زوجها قدام أمه دام الرجال ضعيف شخصية قبل ماتقنعه يطلقها
وتسوء حياتها أكثر

لازم تشتري رضا الأم بأي شكل وتراعي الله في كبرها وحدتها
خليها تكثر لها من الهدايا
وعند زوجها لا تجيب طاري التغير اللي صارله معاها
ولا تجيب طاري أمه إلا بكل خير
وهكذا من ذي الأمور
والوحده منا إحنا الحريم إذا واجهتها عاصفة من المشاكل لازم تنحني لها
أحسن من وقفتها قدامها وتكسرها للأبد.

حبيبتي مالها الا الدعاااااااااااااااااااااااااااااء
والله يفرج همها يااااااااارب
مهما كان هذي امه ولازم تصبر
والله يهدي بعض الأمهات المفروض يدورون على الشيء الي يسعد عيالهم
مو ينكدون عليهم بس مااقول الإ خليها تسوي حقوق زوجها بما يرضي الله وتبري ذمتها
والباقي على ربك
وامه الله يهديها
والطلاق تشيله من راسها ولاتفرح عليها العدو

حسبي الله على كل ام زوج تبغى تخرب بيت ولدها وتظلم بنت الناس اللي تبغى ولدها لها وحدها لاتزوجه احسن ( قبل اشوي متهاوشه مع ام زوجي ونكدت علي وكل كلامها ربي يعلم انها ظالمتني فيه الهانم تبغاني استأذن منها قبل ما اخرج ولما اجي لازم تعرف اني جيت يعني اعدي عليها ماشاء الله حضور وانصراف وانا طبعا تحلم بالشئ هذا وقلتلها بوجهها ما ابغى اعدي انا سمي اللي يتدخل بحياتي انا وزوجي حتى لو اهلي والله والله والله اني ما ارتحت نفسيا الا لما صرت ما اجيهم دائما حسيت اني متزوجته مو متزوجه امه هي اللي تبغى تحكم تعرفي دخلت بيتي وجرى على الحمام وضيت ورحت صليت ودعيت عليها ربي ياخذ حقي منها ويكف اذاها عني ويشغلها بنفسها ويرد كيدها في نحرها قهرتني الله يقهرها وينتقم لي منها ودعوة المظلوم مستجابه ودخلت القسم هذا عشان اشوف المشاكل اللي متعلقه بام الزوج عشان تهون على بلوتي ومن جد انا كذا وهي مو ساكنه معي بنفس الشقه الشقه اللي قدامي ماني متحملتها كيف لو ساكنه معي الله يصبر كل مبتلي وعليها بالدعاء تكثر منه والله وجدت فوائده قبل سنه ونص تقريبا مع ام زوجي كنت كل ما اصلي اقرأ الدعاء (حسبي الله لديني حسبي الله لدنياي حسبي لما اهمني حسبي الله لمن كادني بسوء حسبي الله لمن بغى علي حسبي لمن حسدني حسبي الله عند الموت حسبي الله عند المسألة في القبر حسبي الله عند الميزان حسبي الله عند الصراط حسبي الله لا اله الا هو عليه توكلت واليه انيب) لكني للاسف ما استمريت لكن الحين باذن الله راح استمر عشان ارتاح منها للابد والله لو احكيلكم عن ام زوجي لا حول ولا قوة الا بالله اما اني اطلق مستحيل افرح قلبها بالشئ هذا لاني اعرف انها تتمناه اليوم قبل بكره فلا تفكر بالطلاق نهائيا وخصوصا انها عندها عيال انا وما خلفت للحين ماني اراضيه افرط بزوجي الله يخليه لي والحمد لله هو مايسمع كلامها في وهذا اللي مجننها ومولع الغيرة بقلبها وزوج صديقتك قليلها تتقرب من زوجها اكثر بس مو قدام امه بغرفتهم وتقرأ الموضوع المثبت تغيرت حياتي مع زوجي180درجه اذا ما غلطت باسمه وربنا يبعد عنا كل من يريدنا بسوء وادعولي ربي يرزقني الذرية الصالحة واحمل الشهر هذا وارتاح من احدى مشاكلي..
لااله الا انت استغفرك واتوب اليك