الله يسرج امرج حبيبتي
بس الله يخليج خبرينا باللي يصير لج
لانا نحاتي
ترى صدق قلبي يعورني يوم اسمع هالقصص
مع اني مخطوبه وام خطيبي هي خالتي وعسلللل فديتها
بس بعد احاتي وطلبت من خطيبي ياخذلي شقه لاني ما اخاف منها بل من بنات خالتي مع انهم زينات وطيبات بس بعد ما ابي مشاكل

الله يسعدج غناتي

وعلمتني الايام
قلبي عورني عليج
بس سبحان الله عسى ان تكرهو شيئا وهو خير لكم
والله يعوض عليج
بس ااذا يالج واحد خبرينا عاد عسب نباركلج

الله يعين مافيه وحده تتزوج الا تصيرلها مشاكل تأكدي
والحل مثل ماقالوا البنات البيت افتكي
بس قهرتيني لما رجعتي لها وانتي عارفتها كان مشيتي حالك بدون ترجعين
طمنينا عليك حبيبتي

:icon33: أختي الله يعينك كلنا نعاني من أم الزوج لكن شنسوي والله فيه مشاكل مايعين عليها ألا رب العالمين بس كل واحد وقسمته ونصيبه والله سبحانه قال في كتابه الكريم (لقد خلقنا الإنسان في كبد ) يعني الأنسان يجلس في مشقه وتعب حتى يتوفاه الله سبحانه. من هي اللي ماعندها أم زوج وكمان بنصير عمات وخالات لكن الله المستعان .اختي فهمت من كلامك أنك رجعت برغبتك لما حملت لانك ماقدرتي على مسؤلية البيت لظروفك يعني أنهم طيبين ولا كان رفضوا رجوعك من أصله . اختي كل أنسان فيه نزعه من الخير لابد من هذا وإذا زوجك كويس لا تخسرينه ومن حقك تطلعين ببيت بروحك هذه حقوقك الشرعيه من غير شروط حتى لو لم يكن بالعقد الشرع معاك لكن أكسبي زوجك بالموده ومافي رجل يهون له بزوجته وحاولي تطلعين ببيت لكن حذاري من انك تحملين مره ثانيه وترجعين عندهم دبري نفسك لكن
حاولي تطلعين وتريحين وترتاحين بلاضافه للدعاء ولا تقطعين اهله وتوددي لهم برضه هاذي أم الغالي وغلاته من غلات أمه ولا لا ؟
يابعد عمري لا تحسبين اني خاليه هم والله العظيم أني تعبانه وشقيانه بس أش أسوي
امه وأخته اللي أرمله وبنات أخته اللي من أول الإجازه عندنا ومايروحون إلا إذا بقي يومين على المدرسه يعني لاسفر لاروحه ولا جيه جالسه لأهله أستقبل وودع ما أفضى نهائيا وأقول الحمد لله حتى النت ما أنزله دائما بس الحمد لله وماشاء الله امه الله يعيين عليها مررررررررررررررره عسوله وش اسوي الحمد لله على كل حال مادام رجلي كويس الحمد لله 0 :( :icon33: :( :16:

ا

عزيزتى // قبل لا تزعلين عليها وعلى كلامها .. المفروض تعرفين انها أم زوجك اللى يحبها ويحترمها وهى أمه ( يعنى ماما الغالية ) ... كما انت تحبين أمك الغالية بعد ....

كونى سياسية حذرة واجتماعية طيبة وتبدين احترامك لعمتك ( غصب مو طيب ) لأجل زوجك ( فقط ) علشان تسير الحياة طبيعية تتحملين العمة ، لأن سنين الحياة الأولى طبيعيا تكون كدة ..... وبعد مراحل أخرى من العيش ستكونين ربة منزل كبير لوحدك .. انت اللى تامرين وانت اللى تنهين .. فاصبرى فالحياة فيها الحلو والمر يا عمرى ...

عزيزتى ** اضغطى على نفسك شوية وابلعى الكلام ولا تراددينها حفظا على العلاقات الأسرية حتى لا يتطور الحال ويصبح شيىء ماهو زين لك وينظر لك الزوج نظرة ماهى زينة لأجل أمه ( ماما ) فكونى الزوجة العظيمة فى هدوءك وصبرك ..

واعلمى انك بالنسبة للزوج دائما ((( الأم والأب والخالة والعمة ...>> والزوجة العظيمة )))
فحافظى عليه بهدوءك السرى ...... وسلمى على عمتك بس بدون كلام ....

هلا بنات
أخخخخخخخخخخخخخخخخخخخخخخخخخخخخخخخخ
والله العظيم يا بنات اليوم صار لي موقف من ام زوجي وكنت بصارخ عليها
بس قلت الله يخزيك يا شيطان كله علشان ريلي بس مو علشانها حرمة كبيرة
بقولكم السالفة اخت زوجي البارحة طلبت مفتاح غرفتي علشان كانت تبي تستخدم
الكمبيوتر وانا بكل طيبة قلت ما عندي مانع لأنها اخته الكبيرة والاحترام واجب
لما خلصت من الكمبيوتر الله يسامحها ويهديها خلت المفتاح في غرفة خواتها
وراحت بيت ريلها والحين لما طلبت المفتاح علشان كنت ابي ثياب طرشت لها
اختي الصغيرة قالت ما عندي المفتاح والله العظيم تضايقت وايد قلت ليش هي
اسوي فيني شذي رحت اتصلت لأخته وقلت لها عن اللي حصل قالت بتصل فيها
وعلى فكرة بيت اهل زوجي عدال بيتنا يعني احنا جيران الجدار بالجدار
والله العظيم يا بنات اني اسمع حشرتها وصراخها علي وعلى المفتاح وهي مارة بالشارع
والله فشلتني وفضحتني ما تم واحد ما سمعها بالفريج وقمت اصيح ورحت حق امي وخبرتها
امي قالت اسكتي عنها لكن انا هالمرة ما تحملت كل شي زاد عن حده قمت لبست عباتي
وشيلتي ورحت بيتهم وقلت اذا قالت لي كلمة ما بسكت وبطول لساني لكنها كانت في المطبخ
وتشوفني وانا داخلة وطالعة حتى السلام ما سلمت عليها ورجعت بيت امي ...
حتى لما اكلم ريلي اكون فرحانة ومستانسة علشان ما ابين له شي لأنه وايد فرحان
في السفر ويا ربعه مع اني من الداخل زعلانة ومهمومة وايد
طولت عليكم وايد هذا اللي استوى اليوم يا بنات ها شورايكم شو اسوي ....