ام زوجي

السلام عليكم
قبل شوي ناداني زوجي قال امي شرهه وشايله بخاطرها
على فلانه تكون بنت خالتي وسلفتي يعني انا وهي متزوجين اخوان
قلت ليش قال هي ماتدق ولا تسلم على امي
قلت منشغله بدراستها هي تدرس ومو عايشه نفس الديره مع اهل زوجي
قال بس ولو المفروض تدق هي ولا امها لا تدق ولا تسلم ياخزياه
طبعا ذا المقدمات اللي يقولها لي عشان سالفه صارلها سنه
صارت مشكله بيني وبين زوجي وزوجي فيه طبع اي مشكله مهما
كانت تافهه يدق على امي يتشكى لها مني ومره دق عليها الفجر
وامي هاوشته وقالت اول شي الوقت مو مناسب ثاني شي مشاكلكم بايخه وانا ماتحمل كل شوي تدق تتشكى
من بنتي على اللي يسوى واللي مايسوى صارلي اربع سنوات متحمله تشكيك
يكفي اعقلوو وهو زعل عليها ليش تقول كذا
وقال زوجي الامه السالفه وامي قلتلها شفتي خبر امه قالت امي ياخزياه
خوفي امه تفهمني غلط خلني افهمها ودقت عليها وفهمتها بس ام زوجي ماتقبلت وقالت ولدي مافيه مثله والف وحده تتمناه واولادي مربيتهم احسن تربيه بنتكم شكاكه ومتحملها ولدنا ولا ولدي مافيه مثله وامي قالت مابي اطولها معها واسبب مشكله قلت لها احنا مثل الخوات
وتصير مشاكل وتنحل ومابيك تزعلين واذا انا غلطت انا اسفه ومع السلامه
ومن بعدها امي قطعت العلاقه مع زوجي واهله ومن ذيك السنه ماتعرفهم
وانقطعت عنهم
عاد دايم اقول الزوجي شفت كيف تدخل اهلي بكل مشاكلنا وتدق تشكى انقطعت عنهم وتركوك وطفشو منك بسبب تصرفاتك
بس هو مازال اذا عصب مني قال بدق على ابوك لسى ابوي ماخربت علاقته معه ههههههه
عاد ارجعلكم السالفة بنت خالتي قالي زوجي لايكون خالتك وبنت خالتك مايكلمون امي لان امك خبرتهم عن السالفه اللي صارلها سنه وعشان كذا انقطعو عن امي وطنشوها وصارو مايدقون
قلت له والله بنت خالتي وخالتي من اخذو اخوك وهذا طبعهم مايدقون
حتى قبل السالفه ماكانو يدقون ثاني شي امي ماهي من النوع اللي تقرق
ثالث شي اذا امك تبي خالتي تدق عليها ليش المبادره ماتجي منها وامك تدق
خصوصا انهم حول بعض بالعمر ومافيها شي لو جت منها
قال وامك ماتدق على امي الا بالعيدين بس ليش قلت وكثر خيرها اللي تدق وترى سالفة ليش تدق وماتدق مو حلوه اذا امك قالتلكم ليش مايدقون تكبرون في راسها قولها الناس مشاغل وكيفهم مو تكبرون في راسها
الله يهديها مدري وش جاها تبي امي وخالتي يدقون وامي تقولي ماعلي منها اساسا طاحت من عيني بعد كلامها عنك وعلاقتي معها راح تكون رسميه وادق بالعيدين فقط غيره لاتجبريني عليهم هذول عالم مايستاهلون الاحترام امي مررره كارهتهم