ام زوجي

السلام عليكم
هاذي مشكلة جارتي وطلبتني اني انزلها في المنتدى لانها مو مشتركة في المنتدي واتمنى انكم تنصحوها وتساعدوها وهي راح تتابع ردودكم من جوالها
حبيت استشيركم في موضوع انا متزوجة وساكنه ببيت مستقل وعندي 5 اطفال ولله الحمد وام زوجي ساكنه قريب مني واللي مضايقني انها كل ما عرفت اني عازمة احد القاها تجي من نفسها طيب انا ما اقصر معاها واعزمها اكثر من اهلي لكن من حقي اني اقعد مع صحبتي او اختي لوحدنا وطبعا انا سلفتي برضه قريبه مننا وتسوي معاها نفس الشي وبرضها متضايقة وفي المقابل عمتي لما تسوي عزومة في بيتها ما تعزمنا وتقولها بالصريح انا ابغى بناتي بس حتى مرة سلفتي راحت تزورها من نفسها تخيلو انها قالت لها خلاص روحي بيتك انا اليوم عازمة بناتي وابغى اجلس معاهم لوحدنا حتى بناتها زعلو منها وقالو لها عيب كذا وطنشت .... الشي التاني عمتي قدام زوجي بوجه ومن وراه وجه ثاني يعني لما يكون في تحضنهم وتدلعهم ولما يروح تخاصم واحيانا تضرب في العيد تعيد كل البزورة وبزورتي لا ولما يجيها زوجي وبزورتي مو موجودين تقول له انا مرة احب عيالك حتى اني عيدتهم اكثر من الباقين طبعا لما زوجي قال لي انا صار وجهي كذا 😲بس سكت لاني لو قلت له بيزعل وبتصير مشكلة ....تخيلو مرة اخت زوجي جابت لكل البزورة هدايا نجاح وانا ما جيت فقالت لي تركت هدايا عيالك عند امي ولما جات عمتي جابتها سوت قدام زوجي انها هيه اللي اشترتها .... تجي تزورني لما اولد وما تجيب لي شي ولما زوجي يروح لها وانا مو موجودة تقول له انا اشتريت لولدك الهدية من فلوسي لاني احب عيالك ابوك ما رضي يعطيني فلوس وهي اصلا ما جابت شي .. اخر مرة بنتي الصغيرة كانت تلعب وكسرت تحفة صغيرة والله العظيم انها من ابو 5 ريال اللي تجي مرررة صغيرة ونظفت القزاز وتاسفت لها و وعدتها اني انزل السوق واشتري لها تحفة احلى منها لما جا عمي دخلت الغرفة وسمعت صوتها تقول له اضربها قليلة ادب كسرت لي تحفي قام عمي خاصم بنتي واخدها حبسها في الحمام ربع ساعة وهيه تبكي وانا واقفة عند باب الحمام اطمنها واقلها لا تخافي دحين اجيب المفتاح ولما جا زوجي قالت له ي الله قد ايش كنت خايفة وزعلانه على بنتك ابوك اصلا جا معصب ولما عرف انها كسرت التحفة نزل حرته فيها وانا احاول اهديه وهو مو راضي والله كنت خايفة لا يضربها كمان الحمد لله ما ضربها وطبعا هيه مو عارفة اني سمعت صوتها وهي تكلم عمي طبعا انا ما بينت شي ولا قلت لها اني سمعت مشيت الموضوع عادي .... انا بصراحة بديت اتضايق من تصرفاتها وكذبها اللي تعامل اولادي بشكل ولما يجي زوجي تعاملهم شكل ثاني فما صرت اروح لها زيارة الا مرة كل شهر ونص تقريبا واحاول اني ما اطول لكن اذا صار في يوم موقف من مواقفها تايدوني اني امسك زوجي واحكي له الحقيقة والا كذا باتحمل ذنب اني سببت مشكلة بين ولد و امه خاصة ان زوجي عصبي ومتاكدة اني لو حكيت له بيروح يتخاصم معاها وانا ما ابغى اتحمل ذنب ؟؟؟؟؟
كلامي ملخبط وكل شوية احكي موضوع ثاني بس اتمنى تكونو فهمتوني انتم اخواتي وانا حاتقبل ارائكم كلها بكل صدر رحب