ام زوجي

عندي ام زوج اذتني بحياتي حسبي الله ساكنه جنبها اقسم بالله بدون مبالغه لو اتفه شي اسويه بحياتي تنشره مشوار اشتريت رحت سوق جاني احد طبخت طبخه الاقي الكل عارف والبعض يسالني كل شي بحياتي يعرفونه جيرانها واقاربها مرات انحرج واتفشل كرهتني بحياتي كره والله تفشلني وتحرجني قدام الحريم فيه اشياء خصوصيات ماتنقال للناس..بنتها متزوجه جنبها ما تتكلم عنها بشي قدام احد وتخبي حياة عيالها تخاف عليهم من الحسد والعين وهي بنفسها تقول لي اذا في خبر او شي يخصهم لا تعلمين الناس مايعطون خير اذا شي لبنتها ولعيالها. .واذا شي يخصني وبيتي ماتخلي شي عني و اي شي تشوفه مره جيت من السوق اقضي اغراض المطبخ والشباك كان مفتوح حطيت الاغراض بالمطبخ ع الدولاب ورحت ورجعت برتبهم حصلتها تطل من شباك المطبخ
مره دخلت البيت وحصلت زوجي نايم بمجلس الرجال الظهر نشرت الخبر قدام الحريم انو ولدها ماينام عند زوجته ينام بالمجلس ويطقطقون الحريم علي بالمجالس وهي تفرح وتنبسط..
مراقبتني مراقب وتبغى تعرف ادق التفاصيل بحياتي عشان تنشرها كل هاذا حقد على زوجة الولد ماتدري انها بكذا تضر ولدها ويشهد الله اخدمها واطبخ لها وارعي مشاعرها ما احب اجرحها ولا اذيها وهي ماهي عجوز بااخر الاربعين..ودي ابين لها حركاتها وانها تزعلني بس شخصيتها عنيده وماتسمع الا اللي يعجبها وتبغاه واعرف بتسوي من الحبه قبه وتكبر الموضوع وتقلبه علي وتعاندني اكثر واكثر وبتسوي حركات من تحت لتحت..
اللي خلاني اكتب الموضوع اليوم الصباح رحت مشوار خاص ومابغى احد يعرف ما قلت لاحد وشي يخصني ركب زوجي السياره جات عنده وتساله وعلمها انا والله لو ماتنشر اخباري عند الخلق عادي بس ما تخلي عني شي لو اكح قالت كحت وعطست وراحت وجت فضحتني الله يهديه حتى المشوار مايخص زوجي المفروض ماتكلم فيه قبل ساعتين مكلمتني وحده بالواتس تسالني هاه ايش صار اليوم رحتي الصباح لكذا وكذا انا جاتني غصه بحلقي وجلست ابكي انقهرت ليش تسوي فيني كذا وهي دايما اذا عندهم خبر تحرص علي لا تعلمين وماعلم حتى اهلي ..مره بنتها جاتها نقل هي موظفه قالت لي لا تعلمين احد ان حماتك نقلت واشياء كثير تقول لا تعلمين اذا عرفت ولا هي ماتعلمني خطبت وملكت لولدها عرفت من الناس حتى زوجي مايدري عشان خايفين يعلمني وانا حياتي مكشوفه لها بسبب زوجي وهي تطفل علي كل شوي تاخذ اخبار عشان تسولف فيها عند الحريم
زوجي مايعلمها بنفسه بس اذا سالته يعلمها وهي زي المحقق سوال ورى سوال واذا ماشافته تتصل عليه وين رحتو متى تجون وتسال حتى عن اهلي واخواتي ودها تعرف كل شي عننا مدري اعتبره فضول ولا غيره ولا حقد ولا ايش