ام زوجي 》 التدخل (روح انسان)

السلام عليكم .. كيفكم .. ان شاء الله تمام ..




بسألكم كيف تتصرفوا بهالمواقف ..




لما يكون ابنك مريض وتروحي عند الدكتور تبغي تتفاهمي معاه .. يعني بما إنك أم الولد اكيد انتي تعرفي اكثر شيء عنه وانتي المسؤوله عنه .. فالأولى انك انتي تكوني المتحدثه والمتلقيه ..




الموقف .. دخلت انا وزوجي وام زوجي عند الدكتور .. قلنا الموضوع وام زوجي الله يحفظها تتكلم وما لقيت فرصه حتى اخذ واعطي بالكلام مع الدكتور .. حسيت اني تشتت وما فهمت تمام ع مرض ابني .. ونفس السالفه لما رحنا ناخذ العلاج .. هي بادرت بإجراءات العلاج .. وبعد ما وصلنا لنص العلاج طلع غلط في الإجراءات !!!




ام زوجي الله يحفظهاا طيييييبه .. بس المشكله شوي في التدخل .. يحسسوني اني جاهله والأدهى من كذا طلع في غلط كمان في الإجراءات ..




لأني احترمها جيت ابغا اكلم زوجي عن الموضوع بس بشكل مبهم بدون ما اوضح مين الغلطان حسيته قلب علي الموضوع اني غلطانه وما سمع كلامي للآخر .. رغم اني ما حددت الشخص ..




طرحت الموضوع لأن هالسوالف فيها روح .. اي غلط ممكن لا سمح الله .. الله يبعد عننا كل شر ويحفظنا يا رب ..




لا إله إلا أنت سبحانك إني كنت من الظالمين