ام زوجي الخبيثه قهرتني

الأسرة والمجتمع

السلام عليكم
صباح الخير
متزوجه من ٣ سنين والحمدلله علاقتي بزوجي طيبه واعامل اهله بكل احترام وحيل طيبه بشهاده الجميع
ابعطيكم السالفه


من يومين رحنا في المدينه الي فيها ام زوجي واهله عشان نعيد معهم ونقعد اسبوعين ونرجع عشان الدوامات
تخيلو زوجي بعد السحور طلبني اسوي شاهي وبعدها قمت على المطبخ ورحت سويت الشاهي وحطيت الشاهي على النار جت بعدها ام زوجي قالت لي الحقي ولدك بالصاله يبكي روحي له وانا بجيب الشاهي .. بعدها رحت عند طفلي ومسكته وجلست معه... بعدها زوجي جاء للصاله وجلس قالي وين الشاهي قلت سويته وعمتي جايبته الحين ..


بنات تخيلو جت وشالت الشاهي قالت لزوجي ان شاءالله يعجبك الشاي الي سويته !!!


انا انصصدمت !!
انا الي مسويه الشاهي وهي تجي تقول لزوجي قدااااامي انها الي سوته
طبعا زوجي حسيت انه انقهر ووجلس يطالع فيني بنظرات غريبه
بعدها راحت ام زوجي وجيت عنده قلت له انا الي مصلحه الشاهي .. سكت مارد على


وش تفسرون حركتها هذي ؟؟؟؟؟


بنات يشهد على ربي اني اعاملها باحترام واساعدها واخلاقي عاليه معها ولاقد سويت معها مشكله
وشفيها على ؟؟؟
43
13K

يلزم عليك تسجيل الدخول أولًا لكتابة تعليق.

تسجيل دخول

دنيا2011
دنيا2011
عادي طنشي بعض الحريم تحب تمدح نفسها لو بالكذب ياما شفنا
~بنت ابوها ~
~بنت ابوها ~
مدري عن نيتها يمكن تمزح يعني الحين اختي لما تضبط كيكه ولا اكله اقولهم شرايكم بطبخي من وراى المزح يعني
اذا هي لها سوابق معك هذا شي ثاني.
&quot;<وردة الياسمين >&quot;
مسكينه ياختي لا تظلمينها يمكن على نياتها وقصدها انها كملت الشااي مثلا حطت سكر او لبتن او شي كذا لا تفكرين بالموضوع نهائي وخذيه بسعة صدر
أولادي أغلى ماعندي
وان كانت حركتها تقهر
بس معليش مايحقلك تقولي انها خبيثة
حركات بزران
وكويس جات عالشاهي
بلاك ماشفتي الخبث اللي من جد
بتول~
بتول~
خبيثه مره وحده ..! يعني معلش انتي ماكملتي الشاهي وهي الي كملته وجابته وكلمتها عاديه انتي الي تخوفي والله من سوء الظن الي بداخلك ومناشبه امه ورايحه وراه انا سويته انا سويته ..مثل البزران والله ياشيخه الله يكفيها شرك بس ضاع المعروف وضاع حسن الظن احمدي ربك كملت عنك وخلتك تشيلي ابنك موضوعك وكلمتك تنرفز والله خبيثه اجل علشان كملت نص الشاي الي انتي سويتي نصه بس الله لا يبلانا بس تدورون المشاكل دواره ..