المودبه

المودبه @almodbh

عضوة نشيطة

ام زوجي الله يسامحها

الأسرة والمجتمع

السلام عليكم ياأخواتي بصراحه انا محتاره في نفسي حتى اني بعض الاحيان اتمنى الموت ومشكلتي مع العالم كله اوله مع خالتي ام زوجي الله يهاديها ويسامحها أناساكنه معها في البيت ولا تواطني في عيشه الله يكفي نضراتها لي تخوف وأنا والله العظيم ماسويت لها شي كاني خدامه عندها أكلها هي وزوجها أنا الي أسويه ومن عيوني والبيت أنا الي أنظفه يوميا لانهم الله يهاديهم مايخلون لا غرفه ولا حمام أكرمكم الله الا يدخلونه ويوسخونه ويالله من يوم تقومين وأنتي على رجل لا وحامل في الشهر الثامن وثقليه وأحس بتعب مو طبيعي وليته يفيد فيهم. في البيت الكلمه كلمتها والشور شورها وانا لا كلمه ولا رأي وغير كذا ما قد بينت لا لزوجي ولا لاي أحد لاني يتيمه لا أم ولا أبو بس مرت اخوي الله يهاديها بعد . تحلل خالتي عندها وهذا الي خلاني أتحمل العيشه مع زوجي من لي بعد الله غيره ولوانه الله يهاديه فيه حقه بس نتحمل والشكوى لله . وضايق صدري لان ماأحد يبغاني أولد عنده لا خالتي ولا مرت اخوي وزوجي يقول خلاص الي بتولدين عندهم اخدمي روحك انتي لا تخلينهم يشلون ولا البياله عنك وانا سامعه ان الوحده اذا صارت في النفاس ترتاح عشان تطيب بسرعه . وأنا محتاره ابغى الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اسفه على التطويل

:44: :( :06: :04:
15
2K

يلزم عليك تسجيل الدخول أولًا لكتابة تعليق.

تسجيل دخول

aum yara
aum yara
عزيزتي المؤدبة...
يشرفني اني اكون اول من يرد على مشكلتك
وصدقيني اني حاسة في كل كلمة تقولينها ومقدرة كل معاناتك وجهدك جعله الله في ميزان حسناتك ......ولكن!!!
لا يعني ابدا كونك يتيمة ان تسمحي للاخرين باستغلالك والسيطرة عليك
وصدقيني الوحدة مننا لو ماهي عزة نفسها مافيه احد بالدنيا رح يعزها ويقدرها لا زوج ولا اخ ولا اخت ..وطبعا ولا ام زوج.
انا ما اسعى ابدا اني احرضك على احد لكن بما انك ساكنة عند ام زوجك وتطبخين وتنظفين البيت زي ما تقولين هدا يعني انك تتصرفين كوحدة من اهل البيت ومو غريبة عنهم وبما انك وحدة من اهل البيت يعني لازم تتمتعين بحقوقك كامله(زي ماعليك واجبات لك حقوق)واهم حقوقك انك تولدين فالبيت الي انتي عادته بيتك..وهدا الكلام لازم تعرفة وتحس فيه ام زوجك قبلك.
وبعدين رأي زوجك فيه وجهة نظر انك ماتضايقين احد لكن بنفس الوقت انتي باسلوبك فهميه ان
الوحدة لما تولد تحتاج راحة على الاقل شهر ..والحل ان زوجك يجيبلك خدامة تساعدك حتى لو خلال هالشهر بس.
صدقيني مهما كانت ظروف زوجك لو اقنعتيه بوجهة نظرك راح يقتنع
بس انت كلميه بوقت مناسب وقوليله انك اقرب الناس لي ولو ما حسيت انت فيني وقدرتني
في هالظرف ماحد غيرك بيحس فيني.
كلمة اخيرة:
اعرفي حقوقك كما تعرفين واجباتك ولا تقللي من شأن نفسك حتى يحترمك الاخرين
مع كل الحب والتقدير
اختك ام يارا
المودبه
المودبه
مشكوره يام يارا والله يجزاك ويخليك لمن يحبك ويغليك....... بس الخدامه مانعها خالي ومحرم انها تدخل البيت وزوجي رايه من راي ابوه وقلت لك انا مالي كلمه لا اول ولا اخر...:44: :( :06:
***جرناس&&
***جرناس&&
والله معاك
شوفي بس تربين اعتقد الحال بيتغير ويمكن لما يشوفوا لبيبي أقصد حماتك برق حالها للك
والله يسهل ولادتك
واحنافي الخدمة
*ام خـــــــــــــــــالد*
الله يفرج همك انشاء الله اختى وتقومى بالسلامه
اولا بالنسبه وين بتولدين اكيد فى البيت اللى انتى عايشه فيه هذه مافيها كلام اجل تبغاكى وانتى قويه ونشيطه ويوم

انك بحاجتها تتخلى عنك وانشاء الله مايحيجك لاحد المهم انتى خلى هذه الشى عادى وانه طبيعى ولاتصوريه انه

مشكله ولو سالتك وين بتولدين قولى لها (اكيد فى بيت ابوه اجل وين )يعنى فى بيت زوجك .

بالنسبه لام زوجك انصحك اختى ان يكون عندك صبررررررر طوييييييييييييييييل ومقابلة الاساءه منها بالاحسان

لانها حرمه كبيره وام زوجك وجدة ولدك وانشاء الله يثمر فيها المعامله الطيبه وتتغير ولاتنس الدعاء دائما ان الله

يهديهاوانتى سوى اشياء تحببها فيكى مثل اهديها لو قطعة ( قماش منديل عبايه بخور)بين فتره والثانيه وقولى لزوجك

انك تبغى تسوى كدا علشان تحببيها فيكى . واللحين ادا جاتك هدايا وانتى نفاس يعنى فلوس اقمشه اعطيها منهم

وقولى لها هاذى هديه من النونو لجدته ابتسمى دائما فى وجهها واجلسى وسولفى معاها يمكن هى فى البدايه

ماراح تتقبل لكن مع الصبببببر منك كل شى انشاء الله يتغير يعنى مو مهم اختى انى اشتغل واعمل طول اليوم فى البيت
لكن مافى بينى وبينها اى علاقات انسانيه وهى معى فى نفس البيت

والله انى تعاطفت معاكى اختى كثيييييييير والله يقومك بالسلامه انشاءالله .
ماما رويدة
ماما رويدة
عزيزتي كان الله في عونك وجعل كل عمل تقومين به في ميزان حسناتك

ولكن هلا وقفت مع نفسك وقفة تأمل وسألت نفسك ...لماذا هي تعاملكِ هكذا

وهل زوجها يرضى لها ذلك ...وهل زوجك انت يرضى لها ذلك حتى لو كانت امه

امه على العين والراس ولكن لكل شئ حدود ...

يجب ان تتحدثي لزوجك بكل حب وود وهدوء بالموضوع ...

اطلبي منه ان يعاونك ولكن ليس امام امه فهذا سيثيرها وقد يغضبها

اجعلي زوجك كل شئ بحياتك ولا تنتظري شيئا او مساعدة من احد ...

فكثير من النساء يعشن في غربة وينظمن اوقاتهن واولوياتهن لتسهيل العمل ايام الولادة

ولا تنسي الكلمة الطيبة مع حماتك فلها اثرها السحري ...وحاولي التقرب من حماكِ

فلعله يرقق قلبها ناحيتك ...

وهوّني الامو بتهون ....كبريها بتكبر وصغريها بتصغر ...

امنيات الصحة والسلامة لك