ام زوجي انا استغرب منها وابي افهم طبيعتها

السلام عليكم


خواتي الله يحفظكم ابي استشيركم عن امر يخص اهل زوجي
ورجاءا يااخوات ماابي وحدة تقول ماعليك منهم الا يااختي علي انا ودي افهمهم واتجنب اني الفت انتباههم بشي وغير كذا احس ولدهم متاثر فيهم كيف اقدر اغيره
امه الله يجزاها خير مااقولكم انها مهيب طيبة هي طيبة لكن مهيب لاهية بنفسها مثل الحريم الكبار كلامها كثييير بالناس يعني لو تجلسين معها عشر ساعات تجلس تسولف لك عن الناس بالتفصيل واهم شي لاحظت تحرص عليه تذكر وش عندهم من فلوس وراتب وحلال وبيوت وتكلم بالحريم حتى بعضهم خواتها ووشلون دلال زوجها لها وكنها زبدة يعني بس تجلس تسولف وش عند الناس من نعمة بشكل يخوف يعني العين حق ووش يبي الانسان بخلق الله وتحب تبين نفسها وعيالها انهم ماعندهم شي وماعندهم فلوس وابو عيالها الله يرحمه كان فقير وولدها اللي هو زوجي فقير مع ان الحمدلله بيتهم ملك وحلو وكبير نسبيا وعيالها اربعة موظفين ومعظمهم خريجين من الجامعات وتقول حنا مانحب السوق وتردد هالكلام وتردد اهل الخير يجيبون برمضان مع ان الحمدلله عيالها موظفين وعندها ارث وتقاعد وامورهم طيبة واثاثهم الصراحة رث ومطبخهم قديم جدا ولبسهم مبهذل يعني مايلبسون زين وكل الامهات كانوا مثلها والحمدلله ماعزهم الا الله ثم عيالهم يوم توظفو يعني اسلوبها غريب
واللي انا اتضايق منه حتى ولدها نفس تفكيرها ويردد حنا متواضعين قلت له كلنا الحمدلله متواضعين