ام زوجي بتخرب بيتي

السلام عليكم
كيفكم بنات وحريم




ببدا على طول في الموضوع
القصه ومافيها اني من تزوجت زوجي حذرني من امه من اول يوم كلمته في الملكه قال لي لاتخلينها تصيد عليك خطا او زله او غيره وطبعا انا كنت مصره اتزوج في شقه بس ماحصل وسكنت معاهم


من تزوجت لهاليوم تعبتني في حياتي اطبخ تقول اهيا اللي طابخه هذي اول سالفه صارت وطنشتها مع اني انقهرت وعيالها مايفرقون بين طبخي وطبخها وهذي مخليها تسوي شذي
طيب وجات فتره تقول لاتطبخين من غير نفس طبخك مايتاكل ولا تدخلين المطبخ المهم انا وقتها انقهرت وقلت لزوجي تلميحات وبطلت انزل اطبخ وانا ساكته وتعامليا كاني خدامه تدق عليا نزلي غسيلي المواعين ونظفي المطبخ وانا ساكته عشان مابي يصير بيني وبينهم مشاكل خاصه انه سلفتي خربوا بيتها وزوجوا زوجها عليها ويحاولون فيه يطلقها
ويوم جى زوجي وسوا لي مشكله كبيره عدلي اسلوبش مع اهلي ولا مكان اللي جيتي منه روحي وطبعا اهو غالبا اخلاقه زفت معايا المهم اني رجعت اطبخ اتقاء للمشاكل وماسلمت كل يوم طالعين لي بشغله يوم مامسحت المجلى يوم مانظفت الفرن يوم مادري ايش وتسوي سالفه كبيرة وعريضه وتشيش زوجي ويجي لي متغير ومقلوب ويصارخ واتعذر له اني مش قصدي
وهذي 4 سنوات كل يوم مسويه سالفه وزوجي يدري انها غلطانه بس من يصير شيء يحط اللوم عليه ويحمليا الذنب يقول انا تركت لهم مجال ينتقدوني تعبت كاني عايشه في مدرسه من اقول شيء قالوا تقصد شيء ثاني
والحين مع بنتي عسى ماصرخ عليها او اادبها قالت انا اسويه عناد فيها قمت قصرت الشر وبطلت اجلس يمهم يادوب سلام
بس زوجي اذيه الا لازم نتغدى جميع
اخر سالفه صارت ان نتغدى وهيا ام زوجي قالت ماتبي واخذت لها صحن صغير على جنب وبنتي راحت لها قلت لها تعالي جنب ماما عشان ماتتعبين جده
واهيا عاندت وقلت لها بزعل عليك ماما لانك ماتسمعين كلام ماما وهذا قصدي اني متأذيها
خلصنا الغداء واسمع الصراخ وزوجي وامه واصله معاهم للشيطان الرجيم نزلت اشوف شالسالفه وقلت لها انما الاعمال بالنيات وانا نيتي انه ماتاذيك والله العالم سقالت له بس اللي فهمت من السالفه انه تقوله زوجتك تطول لسانها على امك وماترد عليها وقال لها انتي مريضه وتبين المشاكل وتختلفين شيء من لا شيء المهم زوجي كان معصب قام ودفني على الجدار مرتين وقالي صعدي وابوه مسكه والمهم نزلت لها قلت لها اعذريني لو غلطت في حقك بس كل قصدي انه بنتي ماتأذيك ولا ردت عليا
ومن يومها زوجي لايكلمني وزعلان انا تعبت منه ومن اسلوبه وهالمره مطنشته على الاخر
شرايكم شلون اتعامل مع الشخص اللي كذا اهله يغلطون ويحمليا الغلط ويقول تحملي شيجيك قلت له بلاها عيشه اذا من امك قلبت مزاجها علينا عاقبتيا ومب حل اني اسكت ولا اتكلم رغم الكلام اللي يرموه علي الحل نسكن في سكن خاص بس اهو رافض هالحل نهائي وفوق هذا مشين النفس
ساعدوني كيف اتعامل معاه اهو واهله سودوا عيشتي وكرهوني حياتي