ام زوجي بتذبح ولدي من التزغيط :-)

السﻻم عليكم

ادررري بنطررد من كثر ما اكتب في هالقسم بس معليش تحملوني
ام زوجي اليوم زارتني وهي طيبه وعسل وتحبني واحبها

وتموت على ولدي
بس فيها عيب واحد من بدا ولدي ياكل وهي مو مخليته في حاله وبس تخاصم الولد ماتاكليه ماتهتمي فيه شوفيه جيعان ابغى وزنه يزيد بطنه دخلت على جوا وانا اقوله طيب واسكت

ولدي تعب من التسنين واسهال الله يكرمكم طبيعي ينحف
المهم جات اليوم واصرت تاكل ولدي وانا اعرف ولدي مايتحمل اكل كثير وقلت لها بس مارضت تسمع وتركتها عشان ماتزعل
هي قبل تجي ب10 دقايق كنت ماكلته زبادي فواكه المهم اول ماجات بعبايتها وربي سوت له سيريلاك قلت لها اكل قالت عادي
بعدها بنص ساعه اعطته زبادي والولد يبكي مايبغى تجبره واعطته عصير ولعبته وبعدها بساعه اعطته سيريﻻك ثاني مرة هنا الولد بكى مايبغى اجبرته وعلى طول استفرغ كل الي اكله وصار يبكي من التعب نام قامت وهو نايم تاكله وجلس يبيكي زوجي قالها يا امي مايبغى ﻻتعطيه بطنه تعبان قالت له عشان كذا الولد نحيف وقامت تخاصم

وزن ولدي مناسب لطوله وعمره على كﻻم الدكتورة وماعنده مشاكل وصحته الحمدالله مو نحيف لدرجة العظام بالعكس ماشاء الله

كيف اتصرف معاها مابغاها تزعل انا اخاف افلت عليها واعصب وانا الى اﻻن ساكته مابي ازعلها
ولمن نروح عندها نفس الشي تسويه بس مستلمته اكل يبغى يتحرك يلعب وهو تاكل فيه وتصدفون تعطيه لبن المراعي وحليب طويل اﻻجل من عمره 6 شهور لحد ما صار عنده سوء هظم وغازات
تقول اي شي ياكله وتعطي بطاطا مقلي و سمبوسة مقليه ويستفرع منها
واﻻن توه عمره صار 9

شورور علي كيف افهمها من دون تجريح رغم ان زوجي كلمها وعصبت
وسامحوني تعبتكم معاي