حبيبتي بقولك هالكلمتين وأتمنى من كل قلبي انها تلاقي عندك صدر رحب وقلب واعي
يالغاليه : رحبي بأم زوجك الأياااااام تمضي والعشرين يوم هذي بتروح كأنها لحظه عابره وما يبقى منها الا الذكريات فيا أنها تكون ذكريات حسنه وسعيده ولا ّسيئه ومليئه بالحزن والكره وهذا كله بيدك انت ياعيوني إذا حسست أم زوجك أنك مبوسوطه فيها وأن الرحلات اللي تكون معها هي أحلى الرحلات وابركها بفضل الله ثم بفضل دعاءها , وتذكري أن الأعمار بيد الله يمكن إن راحت معكم هالسنه ماتروح الجايه وهي حرمة كبيره ومريضه فاحسني فيها وخليها تذكرك بالخير وصدقيني بترضين ربك وبتكبرين في عينها وبتزيدين غلا عند زوجك , وحطي نفسك مكانها بعد عمر طويل إن شاء الله وشوفي كيف تحبين ولدك وزوجته يعاملونك . وباين من كلامك أنها ما تحب تضايقكم يعني أنتم اللي عزمتوها ما فرضت نفسها , ومن ناحية التسوق طبيعي أنها بتشتري مثلك تدرين ليش ؟ لأنها كبير بالسن وما تعرف أذواق الجيل الجديد فأنتي بالنسبه لها تمثلينهم فهي تثق في ذوقك , وبالنسبه للأشياء اللي ودك تتميزين فيهم نسقي أنتي وزوجك إذا شفتي شيء وأعجبك وتبين تتميزين فيه أنه يرجع بعدين يشتريه لحاله ويحطه في السياره وينزله إذا نامت الوالده الله يحفظها بدون ما تحس .
اتمنى مايكون كلامي ثقيل عليك لكن صدقيني ما قلته الا من واقع تجربه مريييييييره .
والله يوسع صدوركم بالعافيه .

اختي والله راح تتحاسبين على كلامك هذا ..هالحين الام تعبت وربت الولد ولماكبر تاخذينة وتزعلين اذا راحت امة معكم ..تخيلي امك اللي تبي تروح وزوجك مايبيها تروح او امك تبغى تروح مع اخوك وزوجتة وزوجة اخوك ماتبيها تروح معهمم وش يكون ردة فعلك ؟؟
ويكفي انها انسانة طيبة وتقول اخاف اضايقكم والله لو كانت سيئة كان تجبرة هي عشان تروح ولاتهتم وهذا من حقها لانة ولدها وهي اولى الناس فية ..وانا استغرب منا يالحريم فينا انانية نحب نملك الرجال ولانهتم لاهلة .
وانتي احتسبي الاجر وراعيها واهتمي فيها وان شاء الله تاخذ السوق كلة,,واذا ماتبينها تشري مثل اللي تشرينة انتي اختاري لبناتها لانها حرمة كبيرة ولاتعرف تختار وتبي تشري شي زين لبناتها.
واتمنى منك انك تحطين نفسك مكانها وراح يجي اليوم اللي يكبر فية ولدك ويبي يسافر وهو زوجتة وانتي طفشانة والحالك بالبيت وتبين السفر بس زوجتة ماتبيك وش راح يكون شعورك وقتها ؟؟؟؟ ماتنقهرين انامتاكدة انك تكرهين ولدك وزوجتة ..وحبيبتي الام لها حق على ولدها بكل شي وفية حديث للرسول بما معناة ..احق الناس على الابن امة ..وبعدين الله يهدية زوجك كيف قدر على هالتصرف يقول لامةمجاملة ولا هو صادق ..
بس حبيبتي لاتشغلكم الدنيا عن الاخرة ..وساعدي زوجك على برة بامة عشان عيالك يبرونك اذاكبرتي ان شاء ..كماتدين تدان ....
واتمنى انك تاخذين النصيحة بصدر رحب

الشي صار وانتهى والام بتروح معكم
صح انه ارتباط في نومك ولبسك وحريتك مع زوجك بس عاد الشكوى لله

ما بيدك حيلة الا انك


تهيئين نفسك لوجودها من ناحية ايجابية
وطني نفسك ان السفرة هي فرصتك الوحيدة ولا راح تتكرر فلا تفوتينها بضيقة وهواجيس


فكري بوناستك وتمشيتك وبس
وقبل هذا استغلي الفرصة واحسني نيتك واخلصيها لله واحتسبي الاجر وتخيلي نفسك اذا وصلتي لمثل حالها الان
وسفرياتكم ان شاء الله بتنعاد في السنوات المقبلة وهي يمكن هذي فرصتها الوحيدة


واذا شريتي شي انت اختاري لها قبلك شي ثاني لفلانة وعلانة عشان ما تتشابة البضاعة

ياختي والله حرام 000000000 انا ضاق صدي عليها
شكلها من كلامك انها طيبه بعدين انتي ان شاء الله على اجر وبعدين تكسبين حب زوجك وان شاء الله يعوضك بدال هاسفره
بس اهم شئ الله الله بامه ولا تحسسينه انك متضايقه منها
والله يسعدك ويرزقك ولد يبرك مثل ما تبرين ام زوجك وكله في ميزان حسناتك

يابنت الناس وسعي صدرك وسافري وعند السوق قضي في الوقت الي ماتحب تطلع فيه لو في الضحى يمكن شمس عليها
بس خلوها تسافر مهما كان والله يحزنون هالعجز