ام زوجي تبي تهدم حياتي الزوجيه....وش الحال؟

يابنات والله تعبت لي 11 سنه متزوجه من اول يوم دخلت فيه بيت زوجي والى الان وهي تحاول تهدم عشي الزوجي لدرجة خلته يطلقني ثلاث مرات والمره الاخيره رجعنا الشيخ لانه طلاق اجبار من امه

تخيلو وصل ظلمها لعيالي لدرجة تظلم بنتي وولدي الكبير عشان دلوعها(ولدي الوسط)

انا اخاف الله كثير وما ابي افرق بينهم (زوجي وامه) بس والله تعبت نفسيتي صحتي كل شئ

تخيلو حارمتني اقل حقوقي كا ام وكحرمة بيت
اي شئ اسويه لعيالي اذا ماعجبها تقلب البيت فوق تحت وتروح لزوجي تحرشه علي لدرجة اني استسلمت عشان اعيش بين عيالي

تخيلو راتب زوجي من ينزل بالبنك وهي وراه وراه لين تاخذه وتحطه عندها وتخيلو ماتعطيني مصروف من هالراتب الا لما اجي اطرها طبعا تعطيني بعد المذله

حتى الخدامات ماسلمو شرها تظلمهم والله ماهم صابرين فالبيت الاعشاني انا بس

انا عارفه بتقولون ليش ماتكلمين زوجك وتتفاهمين ....حكيت لين مليت لكن مافي تغيير هي متصلطه عليه بشكل اقوى من السحر

بصراحه من شوي فتحت معه سالفة الطلاق لاني تعبت وحتى عيالي تعبو حتى الظلم وصل لعيالي

بنات والله بموووووووووووووووووووووووووووووووت من القهر والحسره

تحسبت عليها لين قلت امين

بنات تكفون عطوني حلول او ادعولي انه يفرج همي
جعلكم ماتشفون اللي اشوفه من ظلم يومي وعذاب لعب بمخي وتفرجها على عيالي ومايعيشون اللي عشته