ام زوجي تسكن عندي

السلام عليكم حوائيات
اخباركم
مثل ماهو مكتوب بالعنوان ام زوجي جات سكنت عندي وهو والحق بيتها ملكها لها دور ارضي ولدور الثاني شقتين وحده لنا والثانيه لولدها الثاني طبعا حرمه كبيره تقريبا عمرها 73 سنه سافرت شغالتها وراحت جلست بيت بنتها وبناتها دورو لهم وظايف وتوظفو ولا سالو بامهم يطلعون ويتركونها وكلا يدور مصلحته ويطلعون يتمشون بالمولات احيانا تروح واحيانا لا يتركونها بالبيت
صحتها كويسه عندها سكري الله يكافينا شره واياكم احيانا تاخذ الابر بدون اكل وتصير لها غيبوبه سكر

صارت معها مره وجاتني شغالتها قبل تسافر واسعفناها وقبل شهر جاتها نفس الحكايه كانت عند بنتها وراحو المول وتركوها وخذت الابر بدون اكل وجاتها غيبوبه سكر نجي للمهم زوجي بعد ماطلعت جابها عندي يقول هنا احسن انتي جالسه بالبيت وتطبخين ومنها تنتبهين لامي المشكله هي سوريه عندها جنسيه سعوديه عاداتها غير اكلها غير ماتحب الاكل السعودي لازم اطبخ لها سوريوتعبت ماعندي شغاله طبعا غير شغل المراقبه ولسانها حااااد سليط وغيوره ياما سببت لي مشاكل وتسبني عند زوجي
الله الشاهد اكرمتها وفطورها من الصباح 6 جاهز وكل ماتبيه وغرفه وتلفزيون خاص فيها لكن اناااااا مو مرتاحه في بيتي مو ماخذه حريتي في مقابل ذلك زوجي جابها ومادرى عنها يطلع يروح يجي حتى السفر يسافر لحاله وانا الي اكلها اجلس معها ولو طلعت تطلع معي ماتترك مجال لحريتي وبس ناخذ نص ساعه تقول رجعوني تعبت وتخرب علي الطلعه وزوجي مو متفهم الوضع ابد
غير انها راعيه تلفزيون ومسلسلات تركيه وكوريه وعلى ام بي سي بليود وحنا ماتعودنا نتفرج على كذه عندي اطفال ماحب يشوفون هالاشياء واحيانا عيالي يبغون يتفرجون براعم ماتسمح لهم وتتركهم يبكون وانا اسكت للعلم عندها تلفزيون بغرفتها خاص بها بس ماتبغى غير الصاله
غير انها اذا دخلنا الغرفه ننام مرات تتسمع علينا نمنا او .... واذا سمعت شي او احد دخل دوره المياه تقوم بعدنا وتدخل تكشف على الدوره مره بالليل ومره الفجريه 😩😩😩😩 للعلم لها دوره مياه عند غرفتها خاص بها طوال اليوم تدخله لكن الخاصه فينا لازم تكشف عليها اذا نمنا والصباح
الحل يا اخواتي
مابي اغثها ولا اغث زوجي وفي المقابل هي ماتقدر اول ماتطلع من بيتي كم مره تسويها فيني تسبني وزوجي جابها ومادرى عنها ومطنش هو يطلع ويروح ويجي ابي حياتي مثل ترجع مثل قبل ابي حريتي
دعوااااتكم