ام زوجي تغار على ولدها/ قديم

بسيطه اشغلي نفسك عن زوجك وبتلاقيه 24 ساعه عندك يعني مثلا قولي بطلع بيت صديقتي بروح بيت اهلي او سوي له اكله ونامي عنه او سوي نفسك مشغوله تشاهدين تلفزيون او تنظفين البيت اهم شي مايلاقيك بوجهه اذا دخل وبتشوفي كيف يغير طبعه واذا جلس معك بيسولف او شي تهربي باي شي مشغوله وراي تنظيف بشاهد خليه يحس انك مو فاضيه له الرجال مايتغيرون الا بهالطريقه ولو عاتبك قولي تفاهمي معك بهدووووووء وقولي انت مو فاضي حبيبي طول اليوم مع امك وانا ماحبيت انكد عليك او اقطع عليكم وناستكم فقلت خليه براحته وانا براحتي
واذا مصخها تحملي وانزلي كل يوممم معاه الي امه لين هي تطفش وتكرشه من عندها لانها بتمل مابتاخذ راحتها مع ولدها وخاصه انها تغار منك والله يعينك عليها

سوي اللي قالت فطوم صدقيني ما تندمين

أنا برأيي حااااولي ماتثيرين غيرتها
مثلا لا تدلعينه قدامها ولا تحاولين تطلبين منه شي قدامها
وكثري من مدحها ولا توضحين لها إنك مقهوره من تصرفاتها
بالعكس كوني مبتسمه وراااايقه لإنها من تشوفك تتضايقين أو من تحس
إنك تنافسينها بتززززززيد
وزوجك إصحك تشتكين له من أمه مهما صار وكوني ذكيه وإكسبيه بحكمه
بدون تهور مثل ما تفضلت الأخت حاولي تنشغلين عنه بوجوده معك
وبعدها بيعرف إنه مقصر بالجلوس معك

اعجبني رد فطومة

اثقلي عليه بيني ان لك اهتمامات لاتبينين انك مركزة عليهم لانها بتمل مع الايام اذا شافتك مطنشه

اما اذا شافتك مركزة معهم بتزييييد

وهو لاشافك لاهية عنه بيتقرب لك

هذي تظل أمه

وحاولي لاتدلعينه قدامها

مافيها اي شي اذا نزل لها كل يوم واجب عليه

اهم شي مايقصر بحقوقك