فاقده @fakdh

عضوة

ام زوجي جابتلي الهم والغم ونكدت علي عيشتي

السلام عليكم
سالفتي مع ام زوجي عمرها ماراح تنتهي كل ماقلت بتبداء صفحه جديده معي وبتحبني تقلب عساها القلبه
حاولت معها بجميع الطرق والوسائل اني اكسبها لأكنها تسعى وتفكر بس كيف تصرف زوجي عني اعوذبالله منها ومن شرها تخيلوا تغار حتى من ولده اللي هي جدته مو زي الجدات اللي يحبون عيال ولدهم ويخافون عليهم على فكره هي مصغره نفسها عشان خالي زوجها مايحاول يشوف غيرها والله يابنات تنافسني بالللبس والمكياج والكشخه تلبس لبس بنت ام 15 وهي عمرها فوق الاربعين وتصرفاتها تصرفات بزراين مو حرمه كبيره وعندها بنتين متزوجات بالأضافه الى زوجي اللي هو اول واحد
آآآآآآآآآآآآآآآآآه آآآآآآآآآآآه ياناس وربي تعبت خلاص معاد فيني اتحمل هالانسانه

تدرون وش تسوي

تدرون انها تلزق عيالها الصغار بنت وولد في زوجي تخيلوا تبيه يحبهم زي مايحب ولده ويعاملهم نفس المعامله تخيلوا يابنات وربي بنجن خلاص ماني قادره
وشذا تقارنين عيالك بولده تخيلوا اذا جينا نطلع انا وزوجي تخلي زوجي ياخذ اخوه الصغير في كل مشوار نروح له ماعرف انبسط مع زوجي واخذ راحتي معه واذا طلعنا لازم نجيبلها شي معنا عشان ترضى غيرتها مرضيه
كبرت عقلي لما فيه الكفايه كبرت عقلي لدرجة انهم اخذوا زوجي مني مايبون زوجي يوديني ولا يعطيني ولا ياكلني ولا يشربني عادي عندهم يرميني عند اهلي بس يصرف عليهم مع ان خالي ابو زوجي حالته الماديه ممتازه جدا واحسن من حالة زوجي بكثير زوجي عليه ديون حقت الزواح واكثر ومع ذالك مايرحمونه يبونه يعطيهم مثل مايعطني انا ما اقول لايعطيهم يعطيبهم بس بحدود هم مايبونه يعطني ولا يصرف علي ولا ولا اي شي
وانا والله اخاف من ربي ودايم واصيه على اهله بس راحت علي من كثر ما اوصيه على الله صار يحبهم اكثر مني خالي وخالتي يبون يصرفونه عني باي شكل تخيلوا يهيئون جو البيت اذا جا زوجي يقلبونه وناسه وضحك علشان ياخذون عقله مني ويسولفون عن اخونه انهم سوا كذا وكذا اشياء كذب بس عشان يعلقونه

انا كل هالامور صارت تهون عندي عند انهم يلزقون عيالهم الصغار فيه وووووين خير ياطير ابوهم هو معاد خلوا شي لولدي عياله صاروا انا كبررررت عقلي ياناس لحد يقولي اخوانه ادري انهم خوانه بس من حركات خالتي الللي تحرك الصخر خلتني اغار منهم واكرهم واشيل همهم بصراحه انهم يجون عند زوجي او يشيلهم ماتعرفون خالتي ياناس وربي انها تفكر تخلي زوجي يحب عيالها ويخلينا انا عارفه تفكيرها شفولي حل مع هالتكارنه لانهم حابوا لي الهم وربي شلت هم الصغار كنهم عيال جارتي اعوذ بالله

يلزم عليك تسجيل الدخول أولًا لكتابة تعليق.

تسجيل دخول

(وردة المشاعر) • 13 سنة

الله يفرج همك ويسخرلك زوجك اااامين

(( ام فيصل 2001 )) • 13 سنة

الله يعينك لكن لازم تحملين لان هذي امه وهم اخوانه من رايي تحبينهم وتحببين ولدك فيهم عشان مايغار منهم
ويكرهم وبتطيح كلها براس ولدك وتتعب نفسيته
اقلبي الوضع ايجابي عندك بترتاحين
اذا جاء زوجك وجلسوا يضحكون معه ويسلفون سوي زيهم اضحكي وسولفي وجيبي قصص عن اخوانه وولدك زيهم
مع الوقت بيحبونك وبيعرفون انهم غلطانين
اطلعي مره للملاهي وخذي ولدك ومري على خالتك وقولي لها باخذ العيال معي الملاهي يستانسون ويلعبون مع ولدي
واليوم الي بعده روحي انتي وزوجك ومريهم وخلي ولدك عندهم وقولي انا بروح مشوار خلو فلان عندهكم يلعب مع عمانه
صدقيني بتكسبينهم لصفك وبتريحين راسك
ولا تنسين تهادوا تحابوا
اهدي خالتك وعيالها لو اشياء بسيطه بس ترى لها مفعول عجيب

والله يهدي سرك ويصلح حالك ويسخر لك زوجك

فاقده • 13 سنة

حاولت كثثثثثثثثثثثثثثثثثثثير والله اسوي زما قلتي خالتي تفكر شلون تصرف عني زوجي بس تخيلوا انها تفكر تحمل عشاني حامل تبي تجيب طفل ينافس حتى اللي في بطني ياناس خالتي جربت معاها جميع الحلول ابي الحل الحين مع زوجي كيف اخليه يحب عياله اكثر من اي احد هو يحبعم ما اقول لا بس مشاركين فيه اخوانه ونا مابي هالشي ابدا ومن حقي هم عندهم ابو ورى مايروحون يلزقون فيه ويخلون زوجي مع العلم انها ماتسوي هالشي الا مع زوجي بس وخوانه الكبار اللي ماتزوجوا عادي مايهمونها

ناعمة الشمرى • 13 سنة

هى شافتك مقهوره وتبى تقهرك زياده المفروض تشغلين مخك واقلبى الطاوله على قولتهم انتى قولى له ان جيتى تبين تطلعين خلى عيالك يجون معنا ولزمى عليها والله ان شافت هالموضوع ماهو هامك هى الى راح تقولك لا تاخذينهم بردى على قلبك يا وخيتى هذى امه بالاول والاخير ومثل ماتسوين بها راح تسوى بك مره ولدك

زاهده من الدنيا • 13 سنة

احسنى الظن وتعاملى معاها مثل والدتك حتى لو غلطت تحمليها هاذى جدت عيالك وترى الدنيا دواره خليها تلبس وتكشخ وخير ياطير وش يضرك وزوجك خليه يحب اخوانه يابنت الحلال زوجك يحب اولاده ويحب اخوانه وكل منهم له محبته الخاصه نصيحه لك منى احسنى الظن وتقربى منهم احسن لك هاذول اهله ولا يمكن يفرط فيهم ابدا