ام زوجي حاظرتني 😏

بالله ابغى رأيكم لأني حاسه اني متشوشه


انا زوجه ثانيه والأولى قريبتهم .. واحنا في مدينه وآهل زوجي في مدينه ثانيه . وانا ليا عشر سنين كان في اتصالات بيني وبينهم رسميه أسأل في المناسبات وزوجي كأن يخليني أدق على امه اتقربلها لما شفتها مو معطيتني وجه قلت لزوجي انا سويت اللي علي اهلك اذا صار اي شي عندي ما يكلموني لا ولادة دقوا عليا وبنتي سوت خياطه في وجهها طاحت وولدي الثاني خياطه في رأسه ما عاد ارمي نفسي على احد اتصل كل عيد ورمضان وكل أربع شهور مرة وجوانب الله خير اصلا ما في حوار بيني وبينها ما اعرف اش اقلها لانه من يوم تزوجت حتى ما سمحوا لزوجي نزورهم الا بعد تسع سنوات !!! المهم وآخر كم سنه لما تجي المدينه الي احنا فيها تجلس عند ضربت وعند سلايفي بالاسابيع والشهور وانا اكثر شي جلسته ثلاث ايام... بس كل فترة والثانيه ارسلها عالواتس صور احفادها كل ماتصير مناسبه في المدرسة او عندنا... وبنتي عمرها ثمان سنين معودتها كل جمعه ترسل لكل عماتها وجدتها تسلم عليهم وياريت بأن في عينهم... قبل اسبوعين زوجي يقلي خالي توفى واصلا في قطيعه بين امه وخاله ومع كذا اتصلت ايمو ما في شبكه قمت فتحت الواتساب الاقيها حاظرتني قلت لزوجي امك حاظرتني قلي مستحيل ما أصدق قلتله شوف بعدين رجعت اتصلت عليها ايمو وعزيتها قلتلها كلمتك واتساب مايوصل تقلي انا حظرتك لأنك ماتسالي عني قلتلها يا خاله انا اسال بالمعقول وكل فترة ارسلك صور اولادي وبنتي تتواصل معاكي ترى انا الي مربيتها تتواصل معاكي تقول لا انا انسانه لوحدي ومحد يسأل قمت قلتلها حقك علينا وانتي ام الكل وجلست ساعه اعتذر مع اني مو مضطره بس قلت حرمه كبيره وما يكون خاطرك الا طيب وخلاص شيلي الحظر واوعدك تكوني راضيه وقالت انا حظرتكم كلكم المهم لما قفلت سويت استخباراتي الخاصه وعرفت أنها مو حاضرة ولا احد غيري وكل حريم أولادها مو حاظرتهم بس لما يتصلوا ما ترد عليهم بعدها بيومين فتحت جوالي قلت اكيد بعد اعتذاري حتشيل الحظر الاقيها حاظرتني لسه... رسلتلها عالايمو يا خاله يحز في قلبي اني الوحيده حاظرتني رغم اني الوحيده الي مع احترامي مايحقلك تزعلي منها... يعني حريم اولادك بتجي عندهم وتقدريهم وتجلسي بالشهور وانا لا تقدريني ولا تجيني وفوقها انا الوحيده الي حاظرتني قامت طنشتني... المهم زوجي يقلي انا ماراح أتدخل بينك وبينها بس ترى وحده غيرك بتسوي المستحيل عشان ترضيها قلتله ياحبيبي ربنا حيسالني عن امي مو عن امك وربنا عارف اني ماقصرت معاها هي فجاة بسم الله قررت تحظرني هذي مشكلتها قلي شاوري وحتعرفي انك غلطانه قلت من جد خليني اشاور .. يللا شوروا عليا اش رأيكم انتو