ام زوجي خذلتني يوم طلبتها

السلام عليكم ورحمة الله وبركاته
مسائكم وصباحكم فل وجوري وياسمين
كيفكم يا احلا عالم
أحبكم كلكم قد ما استفدت منكم
احب اقول لكم ولنفسي يا بنات ما المفروض اننا ندعي على ازواجنا ابد ندعي لهم بالهداية
انا نادمه كثير كثير يا الله يارب يا ارحم الراحمين انك تغفر لي وتتوب علي كنت ادعي على زوجي من حرتي عليه بالموت وكنت انزل مواضيع هنا وكانو اغلبية البنات يقولون لي مهما كان لا تدعين علي وكنت اقول احسن وش مستفيده منه
العام بمثل هالوقت نزلت موضوع والاخت ام انوسي غيرت معناه الى الله يهدي زةجي ويصلحه
تو استوعبت
الحين الحمد لله زوجي مامات يارب لك الحمد بس يرابط على الحدود عرفت قيمته يا بنات يارب يامن هو الرحمن الرحيم انك تهديه وتصلحه
عرفت قيمته كان اذ مرضو العيال يوديهم للمستشفى كنت ما انقطع عن اهلي ازورهم باستمرار كان يجيب لنا خبز طازج الحين الخبز مجمد عندي واذ رحت لاهلي اشري خبز طازج
كنت ابي مكان واسع لان شقتي فوق اهله وصغيرة وابي عيالي ياخذون راحتهم
المهم ان بنتي من يومين تعبانه صغيرة ماكملت 3 سنوات تحتاج تنويم بالمستشفى وامس الله يسهل لي يارب لك الحمد ووديتها المستشفى بس بدون تنويم واليوم لازم تروح ونزلت تحت لام زوجي وسلمت عليها ومعي بنتي اللي ذبلت وقلتها ياعمه كلمي احد من العيال اقصد خوان زوجي ابي مستشفى قالت كلمي اهلك او روحي مع سواق وانا لو كان عندي فلوس سواق ماكنت رحت لها ورحت طلعت فوق والعبره بحقلي كيف بنت ولدها بمثابة بنتها
ليش والحمد لله اخاي راسلتها بالواتس وجات عندنا بسواق وجابنا اخوي
يعني صدق الشاعر يوم قال وما اكثر الأصدقاء حين تعدهم ولكنهم في النائبات قليل
الناس والصديق تعرفه وقت الشده مو الرخاء
عاد ام زوجي قبل شهر جايبه لها هدية علشان تالف القلوب
المهم انا نادمه اشد الندم واتمنى زوحي يرجع والله بهدله خاصه مع الاطفال اصغر طفل لي عمره سنه و6 شهور
يمكن ربي سبحانه خلا زوجي يروح للحدود علشان يرسل لي اني ماراح ادعي عليه لان كيف الحياة بدونه تكون
الحمد لله