ام زوجي دوخت راسي في التشكي

انا ساكنه بجناح فوق ام زوجي كل ما تشوفني تبدأ تتشكىف عن كل شي وهي تقلب الماضي يعني من النوع الي ما ينسى ولا يسامح هذا سوى لي هذه كانت تفشلني اختي زوجها ما يعاملها زين زوجي سوى فعل بنتي اخوي خالي عمي لا واذا شفتها مره ثانيه نفس الموال احيانا اكون ابروح لموعد وتمسكني وانا لابسه عبايتي وتبدأ وأحيانا وانا داخله جناحي مطعمه بنتي توقفني وتبدأ ثرثره وتشكي انا صراحه تعبت منها تختار الوقت الغلط وانا وشدخلني بزوج بنتها او زوج اختها عساني احل مشاكلي وزوجي ما انسى مره كنت معزومه عند عمتي يوم دخلو الضيوف على العشاء وتتصل علي وتبدأ بالموال وانا اقولها خاله انا مشغوله خاله الناس يستنوني على العشاء خاله بنتي تبكي خاله خاله ولا كنها تسمع انا تورطت اني رديت عليها وأحيانا أسير عليها ربع ساعه كل أسبوعين وتكون لازمه الصمت الي قهرني منها انها مره تتشكى لي من عيالها ومن ضمنهم زوجي عاد جاء دوره وقالت انه ما يودي ولا ينفع انا قلت والله يا خاله اني اتمنى انه يسوي لك الي تبين بس وش الي بيدي عاد هي هنا أمسكت علي ممسك قالت احمدي ربك زوجك احسن من غيره شوفي زوج بنتي وزوج بنت اختي وزوج فلانه وعلانه هي تحسبني اتشكى وما دريت الا مرسله لي على الخاص مقطع لا تشتكي الا للذي خلقك لا تشتكي لناس انا بغيت ارد عليها اقول خاله انصحي نفسك تراك ازعجتينا بكثرة الشكاوي ودوختي روسنا والان صرت انا الي اشتكي حلوه ذي