ام زوجي طلبت من زوجي يتزوج علي والسبب💔💔 اجبروا خاطري لو بكلمه

السلام عليكم بنات حواء
بقولكم سالفتي وابي منكم نصايح وانا صدق مو عارفه شسوي بحكيكم كلشي بالتفصيل انا متزوجه من ٥ سنوات وعندي ولد وزوجي عنده ٣اخوان وكلهم متزوجين وعندهم عيال وهو الرابع زوجي طيب معاي وحنون واخلاق ومايقصر معاي بشي الحمدلله 💕
وام زوجي وابو زوجي عايشين احنا عايشين بمدينه انا وزوجي واخوانه كلنا عايشين بنفس المنطقه وام زوجي وابو زوجي يعيشون معنا بس ابو زوجي يحب القريه مايحب المدن فيروح يستقر بالقريه وام زوجي زوجت بناتها كلهم ماعندها من يخدمها لا بنت ولا مرت ولد بس هي وزوجها مع العلم انها مو كبيره حييل عمرها يمكن ٥٥سنه
اذا جات عندنا نخدمها ونقوم فيها ومانقصر معاها بشي هي ودها تسكن عندنا بس زوجها يحب القريه فتضظر تروح معه هناك تبقى مالها احد يخدمها هي تحب راحتها وماتحب تسوي شي تبي احد يطبخ لها وينظف لها ويغسل ملابسها وهي تقعد مثل الاميره كان عندها بنتها تخدمها وتزوجت من سنتين بعدها تخيلو شسوت راحت جمعت عيالها وطلبت من ولدها الاكبر يتزوج قالت له ابيك تتزوج ثانيه وتخليها عندي بالقريه عشان تخدمني طبعا رفض الولد الكبير راحت لولدها الصغير وطلبت منه يتزوج وهم بعد رفض بقي واحد من عيالها بس مسافر برا مابقي الا زوجي اللي تحبه ويحبها ومايرفض لها طلب😭💔 جات عنده وقالت له ابيك تتزوج انا وابوك كبرنا ومالنا احد يخدمنا وجلست تبكي عشان تقطع قلب ولدها قالت له ابيك تتزوج وحده بس عشان تخدمني تخيلو قال لها تم ✅ ماطلبتي شي متخيليين 😭😭💔 تبي تهدم بيتي وحياتي عشان راحتها ادري بتقولون جيبو لها خدامه بس حنا بقريتنا مافي خدم وغير كدا الظروف ماتسمح 💔الحين زوجي قالي بتزوج انا انجنيت وقمت زعلت وقلت له ان تزوجت اخر مابيني وبينك ورقت طلاقي تجيني زوجي يحبني بس امه نقطة ضعفه 💔مايتحمل يشوفها زعلانه او مو مرتاحه يموت معاها انا الحين مهمومه وتعبانه توني صغيره وغيوره ما اتحمل الضره وعلى ايش على شان بس تخدمها ..انا قلت له ان تزوجت ترسل لي ورقة طلاقي بس ادري انه اذا تزوج بعدين راح يحبها ويتعلق فيها وبتجيب له عيال وبينشغل معاها وبيتغير عليا شورو علي اش اسوي مو عارفه عقلي ملخبط حسبي الله عليها هالعجوز دمرت حياتي
قولولي لو انتم مكاني وش بتسوون ؟ ساعدوني😭😭💔