ام زوجي طيبه لكن ...

السلام عليكم ورحمه الله وبركاته
هذي اول موضوع لي في هالقسم وان شاءالله يكون في محله الصحيح
بنات بختصر لكم مشكلتي
انه متزوجه وعايشه مع زوجي في بيت اهله في البدايه كنت مرتاحه لان ماكان في مشاكل لكن بعدين صارت امه دايما تتحلطم يعني تبيني اشتغل واطبخ نفسها بالضببببط مرت شهور واحنه ع نفس الحاله وربي يعلم شكثر احبهم وان نيتي اساعد امه ولو علي شلت كل الشغل عنها لكن اهيه من النوع الي يبي كل شي ع اصوله وسيدده
والي كان مخرب صورتي عند امه مرت حماي اهيه حاطه ف بالها تبي تسكن بروحها فكانت تسوي افعال وتخلي امه تعصب والمشكله تحط حرتها فيني بعد ..المهم بعد مرور سنه ونص انكشفت الحقيقه وعرفت امه نيت كل وحده فينه .. ومانكر جميلها معاي وايد ساعدتني وشالت عني لما كنت ادرس وسوت لي وايد اشياء ..لكن المشكله حطت براسها احنه بنات هالجيل كله نتعب وشغلنه بسرعه بسرعه ومالنه خلق شي ومن هالقبيل حاليا المشاكل قلت وااااايد لكن كل فتره امه في مزاج مره تخليني انظف واساعده ومره لا تعاملني كاني غريبه تعبت من هالمعامله والله ابي ارتاح مابي افكر هذي شنو تقصد وليش قاعده تعاملني جذي وفكرت اطلع من البيت لكن كنت صابره عشان زوجي تعود انه يعيش مع اهله ..وامه لها حق عليه اكثر مني وانه مااشكي له الا لوصلت حدي يعني اتحمل التعب والضعط عشانه
مرت شهور وصارت مشكله عوده زوجي قرر ننتقل لان حتى اهوه ماقدر يتحمل وانه قلت له اذا طلعنه مابتنحل المشكله مع ان طلعتي فيها راحتي لكن فضلت راحت امه علي وحتى اخوه قاله شلون تطلع وامي وابوي كبار في السن والله يابنات انه تعبت مادري شسوي عشان تتقبلني
ياما قعدت وياها وكلمتها وقلت لها انه مستعده اساعدج واقوم بالواجب ونصير شحلاتنه لكن عقب فتره ماترضه اسوي لها شي وتقولي انتي بنت ناس وماقدر اجبرج
طريقه معاملتها لي قاااسيه والله بس اقول تسوي هلون حق مصلحتي
لكن الشي زاد عن حده .. مع العلم اهلي مايدرون عن شي ولرحت لهم ابين لهم ان كل شي بخير
عطوني حل