ام زوجي طيبه مررره معي بس من وراي......

اهلين وسهلين ببنات الاسريه

الصراحه هذي ماهي مشكلتي انا مشكله وحده من صديقاتي المقربات مني

هذي مشكلتها بين ايديكم وتكفون بنات اللي ماعندها حل ترى الدعوة الطيبه تفي بالغرض ولا ننسى انه فيه ملك يرد

(((((ولك بالمثل)))))


تقول..........

مابي امدح نفسي واقول انا طيبه وانا ماخذ حقي وانا من النوع اللي يصبر.....الخ

انا وحده عااااديه جداااااااااااااا احاول قدر الامكان اني اكون محبوبه واذا احد غلط علي اصبر واحتسب

تزوجت زي كل بنت وصار عندي حموله واهل زوج

كنت حاطه ببالي مهما صار لازم اخلي علاقتي بحمولتي حلوووووووووه وعلى قولة المثل اذا شفت اثنين متصافين اعرف انه فيه واحد منهم متحمل الثاني


وقلت مابي اكون زي اغلب((انا قلت اغلب مو كل)) البنات اللي لو حمولتها زلوا عليها من غير قصد كبرتها وخلت من الحبه قبـــه ولو احد غير حمولتها كان عااااادي جدااااا عندها

بس الحموووله غير


بالعكس كنت اتغاضى عن اشياء كثيره من باب التمس لاخيك سبعين عذرا

لي متزوجه الان كثر من سنتين الحمدلله((ادعولي بطولة العمر والذريه الصالحه والسخره طماعه صح))

وانا ماعمري دخلت على ام زوجي الا ومعي لها هديه او اي شي يفرحها والله يعلم اني احاول اتحبب لها بكل الطرق

ونفس الشي خوات زوجي

ماقولكم مالقيت نتيجه بالعكس لمست نتيجه ممتازه

ترحيب+مدح عند الناس+احترام

مرت الشهور وانا على نفس المنوال لكن لاحظت شي غريب

اذا كانت الهديه فخمه القى ترحيب حلو وكلام حلو ومعامله حلووه وكل شي حلو

اذا كانت الهديه عاديه زي امممممم بلوزه من نكست او احد الماركات للمعلوميه لايقل سعرها عن 100 ريال

القى ترحيب اقل من العادي ومعامله عااااااااااااااااااااااااااااااااديه مع كلمات ماحب اسمعها ابد من نوع اياكي اعني واسمعي ياجاره

((ترا انا ساكنه بمدينه وهم بمدينه ومعدل الزيارات اسبوع كل شهرين غير الاجازات الرسميه كلها اقضيها عندهم))

لكي لايشك احد

لم اربط المعامله بالهديه الا بعد مرور سنتين لاني بكل مره اعذر مره اقول يمكن نفسيتهم هالمره حلوه ومره ثانيه اقول يمكن نفسيتهم وسط لكن ماكتشفت انها مرتبطه بالهديه الا الان

المره الاخيره واللي صعقت بها

كانت حالتي الماديه اقل من الوسسسسسط وبالاصح متسلفه من اهلي وجيت عندهم وانا على حد قولهم يد ورا ويد قدام

تدرون وش النتيجه

(((زعلت علي ام زوجي وبدت تحط حارتها فيني بس وشلوووووووووووووون مو قدامي لالا

بدت تكلم زوجي زوجتك وزوجتك وزوجتك وانا مادري الا زوجي منفجر بوجهي ليش وليش وليش

بأشياء يابنات سخيييييييييييييفه جدا

ورب البيت سخيفه بس حسبي الله ونعم الوكيل كبرتها

انا عندي طفل صغير عمره مايتجاوز السبع شهور الله يحفظه لي ويقر عيني بصلاحه قولوا امين

كمجتمع حريم حنا المفروض لو وحده شافت على ولدك شي تجي تقولك مو تقول للأبو صح خصوصا فيه اشياء الرجال مايعرفون لها

يعني

انا متعوده اعطي طفلي الحليب المخصص له

سبحان الله توها تتذكر خالتي ان الحليب مو عاجبها

مسكت زوجي وقالت مرتك ماتغذي ولدك تعال وشف الحليب اللي معطيته اياه مايسمن ولا يغني من جوع

للمعلوميه ههههههههه هو حليب بروميل لو تدري الشركه عن خالتي ياويلها :42: وهو انسب شي للولد واكثر من دكتوره نصحتني فيه

جااا زوجي وعيونه بالسما من الحمق علي قالي ياويلك من ربك ولدي لو جاه شي انتي السبب

(((انا اموت وادري وش دخل رجلي بالحليب طيب ياخالتي كان كلمتيني انا))

موقف اخر

متعوده البس عندهم تنانير لونها فاتح((اهل زوجي فيه اولاد كبار))

من تزوجت وانا كذا لبسي ماعمر احد اعطاني ملاحظه ولا شي مع العلم اني البس شرشف((حق الصلاه للغطا والكل يعرف ان الشرشف يغطي الجسم كله))

بعد سنتين ونص توها تتفطن خالتي للبس حقي

مو مسكتني انا وقالت يابنتي لاتلبسين الوان فواتح عشان الرجال لالا

مسكت زوجي قالت خلي مرتك تتستر

ومره ثانيه يجيني زوجي معصب والسبب هي

هي ماكانت كذا

وانا هذي هي انا من يوم دخلت عليهم دايم ماني راعية مشاكل ولا شي مو تحسبوني تغيرت او تجي وحده تقولي يمكن انتي تغيرتي عليهم

بالعكس انا صرت طيبه بزياده معهم يوم كثرت زياراتنا

بس اللي يحدد نوع المعامله هي الهديه

واخر زيارتنا الميمونه هناك

لقيتها ماسكه زوجي ونازله تهزيء فيه انت زوجتك ممشيتك على كيفها :angry2:((انا لو امشيه على كيفي كان ماشفتوا وجهي جايه كان اروح لأمي على طول بس حكم القوي))

المصيبه انها عارفه ولدها محد يقدر عليه حتى هي

واشياء قدامهم مثل الزوارات احيانا يمنعني وانا ببيت اهله تجي امه تتوسط عشان اروح ويرفض.. انا مادري متى صار ولد الناس على كيفي

خلاصة الكلام

المره تغيرت 180 درجه واكتشفت الشي هذا من بعد كم زياره وانا على قولتهم يد ورا ويد قدام

وللمعلوميه من دخلت عليهم ماعطوني بناتهم هدايا ولا حتى بولادتي:(

مادري ليه صارت كذا والان صايره تبي تفرض شخصيتها غصب علي لانها هي ماشالله شخصيتها قويه

وفارضه شخصيتها تقريبا على البيت كله :09:تبي تدخلني من ضمنهم

موقف اخر

مره رايحين زواره انا وياها....قالوا لي الحريم ماشالله يافلانه ماسافرتي برا بعد نفاسك قلت انا لا والله ربي ما اراد

قالت هي ولدي ماطاعها جابها هي والولد على طول عندنا>>>قالت كانه خبر مهم وهي متحمسه:angry2:

قالوا لي الحريم افااااااااا يافلانه كان تدلعتي ترى الرجال يجون بالدلع وكأن الكلام موجه لخالتي مو لي

قامت ردت اصلللللللللللللن مو على كيييييييييييييفها وهي تناظر فيني قسم بالله بغيت اصيح من الروعه(الخوف)

يمممممممممه وش دخلني انا وراها علي بالذات عمري ماسويت لها شي وبالعكس اناديها يمه مو زي الناس اناديها خالتي

ورب البيت صار وجهي عند الحريم تقل ظفر من الفشيله اوكي تبين تخلين ولدك سبع البرومبا مب لازم تفشليني

حتى الحريم وبناتهم سكتوا وااااضح مره انها بالعاني قايلتها انكسر وجهي عندهم زي هالصحن:angry:

مرررررره ثانيه لقيتها تسب بولدي واني ماعرف اربيه انا مادري وشو معنى التربيه وهو توه ماكمل سبع شهور
قلت يمكن بنت الناس تسب تخاف الناس تحسدها على مرت الولد اللي عندها اللي هي انا:42:((مو قلت لك على نياتي))

لقيتها تكرر نفس الجمله قداااااااااااااااامي يعني ياغبيه افهمييييييييي تراني اقصدك

انا مادري خالتي الحبيبه وش تبي مني تبيني ارد عليها ونتخانق

تبي توري الناس انها كاسره خشمي وان شخصيتها فارضتها علي ورب البيت احترت

المشكله اذا صرت انا وياها لحالنا تطلع مافيه اطيب منها بس اذا صارت عند زوجي ولا عند الناس تتغير تحب تفشللللللللللللللللني

اذا لبست ولدي لبس حلو وباين على الفخامه قالت لي وووع او عااادي

وتروح عندد زوجي مرتك فلست فيك بملابس هالولد ماعمرها اشترت الا غالي لاتطيعها لالاالا

وانا اصلا مو من زوجي اشتريها من ابوي الله يطول لي بعمره

وكذا مره اللي اوضح بطريقه غير مباشره انها من ابوي بس هي والجدار واحد ماتبي تصدق



ونفس الشي بملابسي انا دايم لبسي مو حلو ولبسي مايعجبهم مع اني دااااااااااااااايم القاها تسأل زوجي من اي مكان اشتريهم وتشتري لبناتها زيهم

هي ماكانت كذا بس من يوم ولدت صارت كذا مدري غيره مدري وش سالفتها

ولا تحب زوجي يشيل ولده ابدددددددددددددددددددددددددددد

مره زوجي جالس يلعب ولده قالت له الولد يصير معه امه مو مع ابوه عيب عليك كأنك بيبي ستر:(

زوجي طبعا مارد عليها لانه امه ومايجوز يزعلها

ومووووووووووووتها لو تدري اني بغرفتي وولدي مع ابوه ترسل الخدامه تناديني تبيني اقعد واتفرج على زوجي لين يخلص عشان اخذ الولد منه

لا احد يحسبني اني راميه ولدي لا بالعكس ولد شفقه ماجا الا بمنشطات وابر وحوسه ولا صدقت احمل فيه وولدت فيه ولاده مبكرا وقعد بالحضانه
يعني الكل يقول خفي على ولدك شوي ترى مب زين كذا تعتنين فيه

هذا فقققققققققققققققققققققققققط وانا زايرتهم مادري وشلون بتسوي لو انا ساكنه عندهم

اخر مقولاتها الله يحفظها

احرم مرتك من الدراسه((للمعلوميه دراستي متفقين عليها انا وزوجي والمشكله انها انتساب لاتقولون يمكن قصدها الولد ...مستكثره علي الدراسه وبناتها بالكليه عااادي)))

وهذا الكلام نفس الشي جديد علي (((لاني جيت ويدي فاضيه)))

قالها زوجي حرام احرمها البنت درجاتها زينه وتنجح على انها انتساب

قالت لا اشكمها((يعني غصبن عليها))) يعني وش تبي تسوي تبي تقولك طلقني ماراح تقول لاتخاف

قال هو يصير خير ان شاء الله

ويجيني ابو الشباب الحراره واصله اتش عنده ويقول انتي وش مسويه لأمي ليه صايره بس تحن فوق
راسي والسبه انتي

(((يعني مو بس انا اللي ملاحظه حتى زوجي ملاحظ)))

ورب البيت احترت ابي تصرف معها

ان تحاشيتها مشت علي كلامها لاتقولون امشي على كلامها لا الدنيا مو على كيفها احيانا اجل تبيني اروح معها لعزايم كلها منكرات واغاني اغااااااااااااني صريحه مو طق لالا سي دي وكاسيتات لكل الفنانين

انا بالبدايه اروح معها يوم دريت ان كل الاجتماعات كذا لاااا لاطاعة لمخلوق بمعصيه الخالق

بالعربي ان عطيتها وجه تبي تتحكم بي وبولدي انا عادي زوجي مايهمني هذي امه ماقدر اقول شي بالعكس الطاعه واجبه عليه
بس مو واجبه علي انا

يعني كل شي تبي تتحكم فيه اللبس والطلعات وحتى الشكل

هذا غير طبعا لو شافوا علي طقم جديد((طبعا انا حمولتي مستحيل اقولهم متسلفه هالطقم واي وحده زيي مستحيل تقول لحمولتها كذا وكلنا نحب نكشخ عندهم...كل الذهب اللي البسه قدامهم سلف من خالاتي وبنات خالاتي لاننا متعودين على بعض هم ياخذون مني وانا نفس الشي))
من وين اشتريته وبكم
اضطر اقرب لها السعر واقولها بالسعر الفلاني

تسسكت ماتقول شي

بس من يوم يشرف ولدها

ايه مرتك لها الزين وحنا مايطولنا شي

((ماتبيه يشتري لي ابددددددددد))

تعرفون الرجال مايهمهم تفشلتي ولا قعدتي

قالها اصلا سلف بس كذا تبي تكشخ عندكم:(

قالت ايه هييييييين سلف >>>يعني افلقني اذا هو سلف

وزعلت وقالت المره الجايه تجيب لي زيه (بس بطريقه غير مباشره))
لاتقولون لي لاعمرك تلبسين عندهم

ماودي اصير اقل منهم خصوصا اني مو البس قدامهم بالبيت لالا

البس بس بالعزايم والاجتماعات:icon33: مستكثره علي

المشكله ان اهلي انا اعلى مستوى منهم وتدري اني مو كل مصروفي من ولدها احيانا اهلي اللي يعطوني وهو مايعطيني شي((عاذرته راتبه مو كثير))

انا مادري وش تبيني اسوي

لاتقولون لي طاوعيها

لا ماعندي اي استعداد

تبون تقولون اجل ليه بالبدايه كانت طيبه

بالبدايه كنت دايم اهديهم زي ماقلت لكم والمعامله قد الهديه

يوم ولدت تغيرت ميزانييتي صرت اخذ اشياء بسيطه عطر او عود اوشنطه ...الخ

بالبدايه كانت تستحي مني وماكانت زيارتنا كثيره

الان لا صارت تمون وكثرت زياراتنا طبعا بكل زياره اجيب معي لها وللبنات

بس مرتين اللي ماجبت وقامت الدنيا وقعدت عشانها

بنات تكفون كيف اتعامل معها

ابي طريقه معينه يعني تحترمني مو كل شي تمشيه علي

خصوصا انهم ماعندهم عيال متزوجين غير زوجي يعني ماعندي سلفات الله يعين اذا تزوجوا الباقين وش راح يصير

(((ملاحظه ترى ابو زوجي يحب ام زوجي مررره ومدللها((قولوا ماشالله )) الله يسخرهم لبعض يعني مو مخلي عليها قاصر ابددددد والفلوس دايم بيدها هي يعني وش دافع هالغيره مااااااااااادري)))