ام زوجي غاثتني وتحرجني قدام الناس

السالفه ومافيها انا عندي ولد وثلاث بنات وسلفتي عندها بنت وثلاث اولاد ومن يومين جابت الولد الرابع مشاء الله تبارك الله

المشكله ان ام زوجي في كل جمعه اكون فيها او لمى تسمع وحده جابت ولد تقول لي شدي حيلك خاوي ولدك انتي اصلا ام بنات خلفتك كلها بنات

ولما تشوف سلفتي وهي حامل تقول لها والله مافي بطنك غير الولد اصلا انتي ام الاولاد ولدي مسكين ويستاهل الاولاد


ويم سمعت بسلفتي قالت لها مبروك ماجاكم والحمد لله على سلامة امه والله يابنات ماردت علي غير هاتي لنا ولد انتي ايش فيكي موقفه الحريم الي معالكي عندهم سته وسبعه ولا ماتبغي تجيبين لنا ولد

انا ماعرف ارد غير كل شي بيد الله والبنت والولد من الله وكلهم زي بعض

وانا الى الان مارحت لسلفتي لانها كل يوم عندها ولو اروح راح تحرجني قدامها وعنده امها واخواتها وحريم اخوانها

واليله عندهم عشى وفيه جمعه كثييييره ومتردده في الروحه

ايش رايكم اروح واتنكد وانحرج ولا اجلس بيتي واروح لها بكره

نسيت اقلكم يابنات اني البارح بعد مارجعت من بيت عمي وانغثيت بالكلام لما نمت حلمت اني جبت بنت وكانت اجمل بناتي
وقالت لزوجي لاتجيبها عندي خذ لها شقه مفروشه ويوم طلعت من المستشفي كنت شايلتها ودخت وطاحت مني بس ماصار بها شي يابنات الي تعرف تفسير الحلم تقول لي