ام زوجي فسرولي تصرفها
السلام عليكم ببدا بسالفتي انا متزوجه من عائلة بعيده عنا وام زوجي تحبني وتحترمني وانا يمكن اكثر منها وعندها عيال غير زوجي متزوجين اغلبهم من اقاربها واحترمها والله واخذ رايها باشياء كثيرا واوصي زوجي عليها اذ تعبت واسوي لها اي شي تحبه هي تتمشى وتسافر مع ولدها العزابي تزور امها واهلها وترجع ومع المتزوجين لا يتمشون او يروحون عمره مستحيل تروح مع احد وزوجته تقول استحي وتتفشل ماكانهم عيالها وانا قليل سفراتي مره بسبب ماديتنا وكل مانسافر لازم زوجي يشاورها اذ بتروح معنا وانا مستحيل امنعه اذ ودها بالروحه والله ماتكلم حتى لو سفرتنا يومين من زواجي وهي اغلب سفراتها معي ولي سنه اجمع من مصروفي واجمع فلوس وقلت لزوجي قبل اسبوعين بغيب عيالي وبروح المدينه اختي مطوله ماشفتها لها سنه ماجت الرياض وبروح الحرم قال بشوف امي قلت اللي يريحيك مع اني ناويه اخذ فندق واستانس وازور عكس اذ امه واخوانه الصغار معنا مااخذ راحتي بالسياره وام زوجي ماتحب المطاعم لازم عزبتك معك وعدت القهوه وفطور الصبح يعني كاني بالبيت احس اني متضايقه شوي ماودي ابين لزوجي وبنفس الوقت اعزها بس استغرب ليش ماتروح مع عيالها مثلنا ليش تنحرج منهم مع ان عيالها تعزهم كلهم وماتفضل احد على احد لاتفهموني غلط انا اغليها واعزها والله بس اتضايق من السفر معهم دايم خاصه اننا مو كل مره نسافر اتمنى انكم فهمتوني
18
5K
يلزم عليك تسجيل الدخول أولًا لكتابة تعليق.
لانها ارتاحت لك . العمه الطبيعيه الطيبه ماتاخذ راحتها مع ولدها المتزوج الا اذا حبت زوجته و شافتها طيبه .
وانت كان قولتي لزوجك انها زياره لاختي عشان يفهم امه .
وانت كان قولتي لزوجك انها زياره لاختي عشان يفهم امه .
يمكن لأنها مرتاحه لك أكثر من زوجات عيالها وتشوفك مثل بنتها عشان كذا تحب تروح معاكم ..
ام زوجك تمون عليك ويمكن زوجك يصر عليها ويضغط وتحس انها مرغوب فيها اكثر من باقي اخوانه اللي ممكن يعرضون عليها ببرود ومره وحده
او ما يعرضون خير شر
فاللي اشوفه تفاهمي مع زوجك هي مالها أي ذنب
هو اللي يروح لها ويحاول معها ويصر عليها
المفروض من باب اولى هو يفهم ويتعامل معاك على هذا الاساس
وبما انك انت اللي تجمعين الفلوس مو منه فماله أي حق يعزم احد بدون رضاك
لو هو اللي بيدفع يالله نقول عنده وجهة نظر
لكن انت اللي تجمعين ثم يعزم عليك
عموما سهليها وتسهل
واذا على العزبه اذا عندك جدولة معينة للسفر امشي عليها وتفاهمي مع زوجك ولو ام زوجك تضايقت والا شي يفهمها منه لها
انها ما تقدر وعندها امور بتخلصها وبنجيب هالمره من برى
واتوقع ام زوجك تجيب عزبتها معها عشان ما تكلف عليكم وعلى ولدها وبالذات على كلامك عندها اطفال او عيال تجيبهم معها
فهي تسوي كذا عشان ما تكلف عليكم
او ما يعرضون خير شر
فاللي اشوفه تفاهمي مع زوجك هي مالها أي ذنب
هو اللي يروح لها ويحاول معها ويصر عليها
المفروض من باب اولى هو يفهم ويتعامل معاك على هذا الاساس
وبما انك انت اللي تجمعين الفلوس مو منه فماله أي حق يعزم احد بدون رضاك
لو هو اللي بيدفع يالله نقول عنده وجهة نظر
لكن انت اللي تجمعين ثم يعزم عليك
عموما سهليها وتسهل
واذا على العزبه اذا عندك جدولة معينة للسفر امشي عليها وتفاهمي مع زوجك ولو ام زوجك تضايقت والا شي يفهمها منه لها
انها ما تقدر وعندها امور بتخلصها وبنجيب هالمره من برى
واتوقع ام زوجك تجيب عزبتها معها عشان ما تكلف عليكم وعلى ولدها وبالذات على كلامك عندها اطفال او عيال تجيبهم معها
فهي تسوي كذا عشان ما تكلف عليكم
الصفحة الأخيرة
الله يصرفها عنكم هالمره من غير ضرر