الله يجزاك خير على اخلاقك الطيبة وتعاملك وخدمتك لام زوجك وان شاء الله اجرك مايضيع والله لايضيع اجر المحسنين اهم شي احتسبي الاجر واذا في وقت مناسب كذا قولي لزوجك ايش رايك نجيب للوالده خادمه تقوم فيها بس تحت اشرافي لانك مشغولة بالبيت والعيال وتجلسون معاها وقت القهوة وتونسونها ترا كبار السن يحبون السوالف والقهوة أتذكر جدتي الله يرحمها قبل تتوفى بفترة كنت الحفيدة المحبوبة لها لان دايم اسولف معاها واقهويها حتى قبل لا تموت صارت كل شوي تنادي باسمي كل الناس صاروا انا حتى خدامتها تناديها باسمي لما تروح لعماتي بس تجيب سيرتي حتى حبوني اكثر من اول لأني ونست امهم وادخلت عليها السرور الحمد لله على احسانه انا الان تزوجت وعندي بنت ويارب يجمعني بها في جنته.

اكيد زوجك اغلب وقته برا البيت وانتي بالبيت فصعبه بيراعيها ..تحملي يااختي وجاملي الدنيا دواره طنشي اي لفظ مايعجبك وقوليلها الله يسامحك يمكن تستحي بس انتبهي تسوين شي يضرها راح تندمين طول حياتك ..

ليه تقول لك هالكلام وانتي تخدمينها بعيونك ممكن الحرمه كبرت وخرفت ماادري وش السبب بس الأفضل تناقشيها وتحجيها وتقولي لها انا اخدمك بعيوني وكذا حرام تقولين عني كذا وعيالك الي هم عيالك مايبونك وانا بنت الناس مالي شغل فيك اخدمك صحيح الكلام قوي بس خليها تعرف قدرك واذا مافاد خليك علي وضعك خلي ولدها يخدمها او يجيب لها خدامه عشان تعرف قدرك وصحيح الدنيا سلف ودين بس انتي ماقطيتيها وخدمه ام الزوج ماعمرنا سمعنا شيخ بالدنيا قال وااااجب تخدمينها او حتي مستحب يعني نامي وانتي مطمنه

ياقلبي تذكري صبرك وتحملك راح ترزقين بسبب خيييييير وفير


لاتسمعين للي يقولون لك خلي زوجك خلي شغاله
امي كانت زيك بضبط
كانت جدتي متسلطه على امي حتى انها مقعده امي ساكنه هي وابوي ببيت جدي
وكانت امي تخدم جدتي وجدي وعماني ماتزوجوا اثنين وابوي وانا وخواتي كنا صغار البييت كله عليها كرف من الصبح لحد ماتنام
وجدتي الله يرحمها كانت تذيها بالليلنه وتسبها
حتى حنا اذا قعدنا نلعب تقعد تدعي علينا وتنعتنا بالفاظ اعرذو بالله ليش لانها معتبرتنا بنات امي مو ابوي
تتضايق امي واقولها هذولا حتى بنات ولدك مايجوز تقولين هالالفاظ وتطنش امي
واذا زارتنا جاره تقعد تسب امي سب وتقولها سوت وفعلت وحطت وامي تسمع سب جدتي تكون امي بالمطبخ وجدتي بالمجلس
والجاره تقول افا طلعت شريره
وامي مهتمه باكلها خاص ماتسوي لها زي اكل باقي اللي بالبيت لا لها اكل خاص الغداء والعشاء والفطور لان جدتي مريضة سكر فلازم اكل ونظام خاص
ويازين صحة جدتي ذيك الايام اللي كنا عايشين معها ماكانت تنمرض ابد بس امرضت امي وامي ماترد عليها ابد
وابوي بعد مايقول لجدتي شي حيادي
جدي كان هو القاسي على جدتي يدافع عن امي وشديد عليها وتنقهر جدتي فتصب غضبها على امي
وواحد من عماني زي امه يجي منه كم كلمة تهزيئ اذا دخل على اني بالمطبخ يقعد يقولها لاتحسبين البيت بيتك تتحكمين فيه
والمشكله امي خدامه عندهم ويجي يرمي كلام عليها عشان امه
وعمي الثاني كان يجيب لامي كل شي يريحها يبي يساعدها باي طريقه فيشتري لها مكنسة كهرب ويشري لها مواعين كشخه ويجيه من جدتي هواش لاتجيبلها شي قال انا ماجيب لها انا اجيب لبيتنا وهي تكرف لكم ولازم اساعدها
زوجة عمي الكبير قريبة جدتي
وكانت تغار من اي شي يجي امي فيه راحه لها وكانت جدتي تسفطلها كل شي وتحبها لانها بنت اخوها
وتجي تاخذ المكنسه الكهربائيه من امي وامي ساكته تقول ابنظف بيتي يوم جت تاخذها منها رفضت تعطيها قالت هذا جابه عمنا للبيت الكبير واللي للبيت الكبير لنا وتخليدامي ترجع
وشافها جدتي ماجابت امي الغرض قال وين المكنسه قالت رفضت تعطيني اياها والله ويسحبنا جدي بشارع انا واختي ويروح لزوجة عمي ومهنا كلمة شينه وسبه وشتمه ماقالها لزوجة عمي حتى هددها بالضرب واخذ منها المكنسه وقالها تتطاولين على غرض ببيتنا ماتشوفين مني الا الشين
كان الله يغفرله هو الوحيد اللي ياخذ حق امي منهم كلهم ابوي لاااااا كان ساكت لامع امي ولا مع جدتي
وتوفى جدي وقعدت امي مذمومه مكروفه تقل شغاله
بعد موت جدي ابوي طلع من البيت لبيت ملك لابوي وبيت جدي باعوه وابوي اخذ جدتي ورتاحت امي ان البيت صغر وان الخدمه قلت صارت بس جدتي وعيالها وزوجها
بس جدتي ماعجبها وقالت ودني لاخوك الكبير اذكر اني قلتلها وحنا ياجده نبيك قالت انا مابيكم ماحبكم انا احب ولدي الكبير وحرمته وعياله
كنت بسادس ابتدائي كلمتها لطفله وش كانت بالصدر بس
رحت لامي اقولها ماتبينا تتروح لهم وحنا وشلون
متعوديييييين عليها قالت امي ميخالف هي تبي اذا تبونها بيت عمكم قريب روحوا على رجلينكم
وراحت عن بيتنا لبيت عمي
وقعدت عندهم غيييييييير صارت عندهم غيييييير مالها حس مالها كلمه مالها وجود ماكانها جدتي عامود البيت مكسوره وش اقول بس كانها قطعة اثاث بالبيت حاطينها بغرفه وتاركينها مايناظرونها ولا تطلع ولا يسالون عنها ولا يدخلون لها انمرضت وتعبت
اتصح زوجة عمي وقفت علاج القلب تبع جدتي طاحت جدتي بالمستشفى بين الحياة والموت قالت وقفت علاجها وتنهبل امي كيف توقفينه قالت لها غااااالي حنا نبي القروش نعيش نفسنا وهذا العلاج غالي قالت امي لوتموتون انتي وعيالك جوووووع خالتي مايوقف علاجها امي ماخبرت احد عن فعلت زوجة عمي
وحتى اكلها يعطونها اللي هم ياكلون يعني صحي مو صحي تاكلين الموجود بس ماطولت عندهم لانها صارت تمرض كثير واخرتها قعدت شهور بالمستشفى طايحه سكر وقلب
وقبل لاتموت كانت عندها وحده من بنات اخت جدتي زايرتها
قالت جدتي لها شفت بنت الناس تقصد امي قالت هذي لها سنين عندنا وماعمري شفت منها كلمة شينه هي اللي شافت مني الضيم والظلايم وهي صابره ومتحملتني كاني امها تقوم علي اشد من البنت على امها والله انها ماخلتني احتاج شي وجلست تدعي لامي بالسعاده والجنه والرزق
ويوم خلصت تدعي لاني قالت وشفتي بنت اخوي ذي اللي هي زوجة ولدي بكري ذي عدو مو قريبه شفت منها السب والشتم وطولة اللسان حتى انها رمت علي كيسة خبز يوم قلتلها جوعانه قالت خوذي كولي كاني حيوان عندها
وقامت تدعي عليها دعاوي تخووووووف وان الله يحرمها كل خير
بعدها جلست كم اسبوع ماتشعر وماتت
والى يومكم قريبة جدتي تذكر كلام جدتي


امي رزقها الله حب الناس ورزقها عيال وبنات مايفارقونها وحتى وهم متزوجين ويدورون راحتها ويركضون لها ومترابطين سبحان الله
زوجة عمي عيالها متفككين وبينهم حسد وحقد وكرهه ومتنافرين مايجتمعون عندها ولا يحبون بعض وهي تعبت منهم وهم مايناظرون لها كل واحد نفسي نفسي
حتى صارت منبوذه من الناس مايبونها ولا يبون عيالها مالها جيران ولا اقارب بس بناتها وعيالها لا اقارب لا احد مقطوعين ولا احد يبيهم
فصارت حالتها حاله تدور احد يبيها ماتلقا


قصتي طويله بس ابيك تشوفين نتايج الصبر والتحمل
كيف الله يرزقك من فضله
خليك كريمه وتحملي واصبري
تعرفين الكبير وجوده بالبيت تجلب البركه والرزق
والفرج والسعاده


قبل كم شهر جبنا جدتنا ام امي تقعد عندنا كم اسبوع تغيير لجدتي وامي تبي امها تقعد كم يوم عندها بس خالاتي مايتحملون تبعد عنهم فكل وحده تاخذها
والله شفنا رزق وخير جانا بذيك الاسابيع
ناس كانت مريضه سنينتشافوا
وناس مفترقين عن بعض سنتين رجعوا لبعض
والله بركة وجود الكبير بالبيت

يا حبيبتي حاولي في زوجك يجيب شغاله تساعدك في البيت ومنها يخف الضغط عليك وهي احتسبي الاجر فيهاوراح ربي يفتحها عليك ان شا الله