ام زوجي كيف نتصرف معاها ؟؟؟

لسلام عليكم ورحمة الله
شلونكم بنات
المشكله لوحده من صاحباتي طلبت مني اكتبها وتبي راييكم
انا حرمه متزوجه وساكنه مع ام زوجي في نفس البيت هي لها الطابق الي تحت وانا وزوجي وعيالي فوق
وواحد من اولادي ينام تحت معاها احيانا بس في غرفته وهي بغرفتها المهم ياطويلات العمر الان هي كبرت في العمر قامت ماتركز وتنسى واحيانا ماتعرف حتى الوقت ليل اونهار وهنا المشكله .. قبل كم يوم الساعه ثلاث الفجر شافوها ناس طالعه تمشي هالحزه بتروح تزور وحده من الاهل واستغربو وبالصدفه طلعو الي بالسياره صاحب ولدي مع امه وابوه والولد عرف عمتي ووقفو لها وسألوها وين رايحه ومدري ايش قالت بزور الاهل قالو لها هالحزه ؟؟ قالت اي شسوي ولدي وزوجته وعياله سافرو وخلوني بروحي بالبيت وانا مستاحشه واحنا اصلا نايمين هالحزه ورانا دوامات وعيالي وراهم مدارس وصلوها الجماعه البيت جزاهم الله خير وقامت تحاول بالحرمه تنزل معاها قالت لها الحرمه الحين بروح البيت قريب يئذن قالت عمتي اذان شنو ؟؟ قالت اذان الفجر الا عمتي تقول انا احسب الوقت ظهر فطلعت اسير ومستغربه وش ذي لخسوفات الدنيا ظهر وظلام وبعدها بعد بكم يوم تكررت القصه الساعه ثنتين الفجر طالعه رايحه للجيران تدق عليهم الباب تبي تزورهم وهم استغربو وفكرو صاير شئ
ايام الاجازات نكون متواجدين وجالسين لين الفجر وعيننا عليها بس اوقات الدوام مانقدر نسهر وحتى لو ولدي صار معاها تحت بيكون نايم ولايدري هل هي طلعت اولا وانا محتاره وش اسوي في هالسالفه ومفاتيح لباب البيت ماترضى ناخذهم منها ماتهجد لو مايكون لها نسخه من المفاتيح بالله عليكم عطوني حل مو عارفه لاانا ولازوجي وش نسوي وخاصه انها مابتقتنع ناخذ المفاتيح منهااا ؟؟