ام زوجي ..للأسف ماتعدل بين بناتها

السلام عليكم
حبيت اخذ رايكم اخواتي في قضية منكدة علي حيل
وهي أم زوجي عندها بنات وأولاد ماشاء الله ولكن ماتعدل بين بناتها ..
هي عندها ثلاث واكبر وحدة فيهم ماكملت تعليمها لانها زي مافهمت موشاطرة وبطلت دراسة وياليتها مابطلت مسكينة لانها تحولت الى خادمة في البيت
في بداية زواجي ماكنت مستوعبة الوضع لكن مع السنين بديت افهم انه هالبنت مسكيييينه ومظلومة
واخواتها الصغار مايشيلوا الكاس للمطبخ وهي تطبخ وتغسل وتكوي وكل شي عليها طبعا مافيه شغالة لانها ممكن تقوم بدور الشغالة
تنام بغرفة لحالها للمعلومية كانت غرفة الشغالة قبل ماتصير هي الشغالة
امها تنام مع الاخوات الثنتين تقول ماتقدر تنام بعيد عنهم
والله يابنات رجليها مسلوخة سلخ من الفلاش وجلست اقولها البسي شي ع رجليك تقول لا ادهنها بالليل
اخواتها يطلعون المناسبات وهي لا كانهم يستحون منها
يطلعون السوق وهي في النادر وبعد محاولات
عندهم جوالات وكمبيوترات وهي لا ممنوع ومرة جلست تبكي تقول ابغى جوال بس امي رافضة وتوسطت لها وطبعا قالوا لا ماتحتاجه صرت اعطيها كريمات وعطور افرحها فيهم الا البنت مسكينة تعلقت اكثر فيني وانا ماني عارفة كيف اساعدها
وهي دايما تجي تبكي في حضني وتقول امي تكرهني وتحب اخواتي طبعا ابوها موجود بس ولاكانه عايش معاهم
والله العظيم اللي خلاني اكتب هالموضوع اني شفتها قبل اسبوع قدامي تتلطش كفوف ع وجهها من امها عشان لقيت الحمام مو نظيف وام زوجي تضرب فيها بعنف رهيب ومقدر احد يفك بينهم
انا قمت كلمت زوجي وطبعا مو اول مرة اكلمه عشانها عشان كذا طفش مني وقال ام وبنتها انتي وش دخلك والله قالها بصريح العبارة
البنت واضح انها ذكية بس من سوء المعاملة تحسي فيها شوية بلاهة وانا دايما اقولها انتي ذكية وحلوة تنبسط وترتفع معنوياتها
خلاصة الموضوع انه كيف ممكن اساعدها نفسي احصل لها جهة تدرس فيها اوتطلع من البيت وكيف اقنع زوجي واهله بهذا الشي