ام زوجي ماتبيني وش الحل؟

تحديث لموضوعي ،
مساء الخير بنات .. كيفكم ؟
هذا موضوعي القديم للي مو فاهمه ..
https://www.hawaaworld.com/آخر...


الحين لي شهرين عند اهلي و بالبداية كنت اقول لا بتطلق وراااافضه ارجع ومبلكته ف كل مكان وما اتواصل معاه ف اي مكان اذا بغى اي شيء يكلم امي واتس ويقول لها وهي تعلمني مثلاً جهزوا بنتي باخذها ، أو ترا حولت فلوس لبنتي كذا ..
المهم بعد شهرين من جلستي ببيت اهلي اللي طلع معاي هالشهرين ذي كلها هذا الشيء ..
١- اهلي كل شوي يلوموني على بنتي .. بنتك حطت بنتك سوت بنتك بنتك رغم اني شايله البيت واساعد امي بكل شيء ماعدا الطبخ لان نومي غيرهم..
٢- بنتي حركه وعنيده فعلاً وشريت لها كرسي طعام عشان تجلس وتلعب بس الله يصلحها انا ما اعرف هل هي حركه او هم دقيقين عشان ماعندهم اطفال احترت كثير ..
قبل اسبوع تقريباً طلب من امي اني افك بلوك الواتس عنه وتفاهمت معه ووعدني بأشياء ومدري ايش ، المهم وافقت ارجع عشان الضغط اللي علي ومحد يقدرني ..


المهم جاء وتفاهمنا وطلب اني اطلع معاه مطعم ونتفاهم وطلعت معاه وانبسطنا وكذا ورجعت
بعدها الحين قلت متى ترجعني ؟ قال انا بعت غرفتنا واشياء كثير عدد لي اياها ..
وقال لي باخذ قرض وعنده قروض كثير هو والبنك قالو له ٦ ميلادي يخلص قرض تقدر تاخذ غيره
وامي الحين مُصررره ابيع ذهبي واعطيه فلوس عشان يخلص البيت ورفضضت ابيع ذهبي والا تقنعني ان ماوقفتي معه الحين متى توقفين ومدري وشو .. بس انا رافضه لو اموت مابعت ذهبي ..


المهم عاد انا وياه اتفقنا واهلي ضاغطين علي يبوني ارجع بأي وسيله لبيتي مره يقولون بيعي ذهبك ومره نامو على الارض لين تنفرج ومره مدري وشو ...


عاد هو اهله يعرفون اننا بننفصل امه وخواته وراح كلم امه انه بيرجعني ورفضت .. ( انا وياه متزوجين عن حب و مافيه تناسب قبلي بيننا ) بس اللي خلانا نتزوج انا وياه اننا فكرنا مع بعض خلاص لين متى يعني هالكلام والخرابيط ذي خلاص نتطور ونعدل النظريات ذي وماعلينا من اي احد ..
الحين عاد امه حصلتها فرصه وقالت له بالحرف الواحد ( انت اخذتها غصب عني والحين طلقتها لو ترجعها انا بغضب عليك ليوم الدين )
وقلت له كيف طيب ؟ قال ماحبيت اضغط عليها ببداية الموضوع بس وقفت الموضوع وطلعت من عندها وبدخل اختي الكبيره بالموضوع ..
وانا ما ادري شفيها امه علي هل عشاني انا مو منهم ماتبيني ؟ والله ما ادري احترت كثير ..


وبس والله ضايق صدري من كل شيء وقلت بسولف عليكم 😭 ..


تكفون ادعو لي ان الله ييسر امري ويجمعنا على خير .. تعبت والله العظيم احس بضغط من كل جهه