ام زوجي ماتعطيني وجه

مرحبا بنات شخباركم ان شاءالله طيبين----والله اني مافكرت الجأ لحد بعد الله سبحانه الا لكم حتى لو ماتردون بس افضفض على الاقل ماقدر اقول لغيركم
البدايه مشكلتي مع ام زوجي بقولكم علاقتي فيها اول انا كافه خيري شري منهم اخدمها بعيوني متى ماتبي الخدامه اطرشها لها اوقات بدون ماتطلبها اطرشها وانا عندي خدامه وحده بس وعيالي دون ل5سنوات اما عيالها الثانيين عندهم خدامتين وعيالهم كبار في العشرين بس انا اقولكم هالشي عشانول تعرفون الفرق والله اني انبسط لما تطلب الشغاله ماتضايق عادي رغم شغالتي لما تروح دايم تقولها الله يهديها الوسخه العنز وروحي ريحتك خايسه وساكته شغالتي ماتقول شي تخدم وتطلع
المهم من كم يوم كلموني حريم حمواني وقالولي بنجيك بعد العشاء قلت حياكم وام زوجي ماتحب نجتمع ولاتجي الجمعات ابد ابد ودايم تقول الحريم مايجتمعون على خير المهم انا سويت عشاء بسيط جدا يعني مو انا اللي عازمتهم ومسويه عشاء لا هم قالو بيجون وسويت شي بسيط ولااتصلت حق ام زوجي اعزمها لان دايم من اعزمها ماتجي ابد وقلت لزوجي وقالي انا قلت لها عن العزيمه بس قلت حق همس خلاص لاتتصلين امي مو جايه وانا قلت خلاص مو لازم اتصل لان اصلا هي زياره عاديه اليوم رحت لها الاهي منتفخه علي حدها ردت السلام بس ودخلت المقلط قعدت نص ساعه ولاجات قاعده في الصاله تشوف مسلسل وصبرت قلت مو مشكله خلني بنتظر شوي لين ساعه وماجات وطلعت عنها وهي بالمطبخ
بنات انا دايم اروح لها على حسب المزاج مره تستقبل عدل مره لا اهي عصبيه ومزاجيه ا
من ادخل مع عيالي دايم تقول ليه جايين انا بطلع ولالكم نص ساعه واطلعو وانا اسوي نفسي ماسمعت شي انا ماروح لها الاكل اسبوعين مره رغم ان البيت عند البيت المهم انا تضايقت من هالتصرفات الوحيده انا اللي ابر فيها كنها امي من بد حريم عيالها بس مادري ليه هالمعامله انا اوصلها لوجه الله ولاابي القطيعه ولااحب المشاكل
المهم يوم رجعنا الازوجي يبوس راسي ويقول حقك علي لانه كل شي يصير قدامه ودايم يشوف هالتصرفات قلت له ولايهمك حصل خير وانا مراعيه سنها بس ليمتى انا اتضايق واجد
اسمحولي طولت عليكم بس ارتاح افضفض لكم والله ماقدر افضفض لاهلي مابيهم ياخذون فكره شينه عنهم او تصير حساسيه بينهم على هالامور
ودمتم بحفظ الله