ام زوجي متسلطه وغيوره بدأت اكرهها

ام زوجي تحملتها وماشكيت منها وبالعه الهم وساكته كل يوم اهدي نفسي اقول امه ومابغى زوجة ولدي مستقبلا تظلمني بس ماعاد اتحمل تسلطها عليه وعلى زوجي
يعني غصبا عني ازور اقاربها واروح زواجاتهم حتى لو عندي مية ظرف واذا تعذرت راحت علمت زوجي وجاء يهدد ويتوعد انه يوديني بيت اهلي
اللي مخليني ارفض احيانا اروح معاها ان زوجي حارمني من اقاربي ومناسباتهم وهي وراه لاتوديها عند خالتها لانه مازارتها ولاتوديها عن عمتها لانه ماكلمتها طيب وش دخلها هذول صله رحمي وشي يخصني.......
ومره تناقشنا انا وياها فهالشي قالت بتروحين كل مكان وكل زواج غصبا عنك اما اهلك وجماعتك روحي مارديتك
اذا مر ثلاث ايام مانزلت لها راحت عند زوجي تقول وين الجاره مرتك مانشوفها ويجي عليه مدرعم وربي ياسلفاتي مايروحون غير مره فالاسبوع وبناتها تقريبا يوميا عندها وساحبين على امهات ازواجهم
والله مره امي تعبانه فالمستشفى وتصرخ من الالم اتصل فيني اخي قال تعالي بسرعه المستشفى امي تبغاك وانا ماقدر حتى ادخلها الحمام رحت لزوجي ابكي اقول امي محتاجتني قال تجهزي بوديك نزل لامه رجع عندي يقول ماله داعي تروحين المستشفى خليها تطلع البيت واوديك لها مت ذاك اليوم من البكي والقهر امي تستنجد فيني وامه فاضيه تلقي الاوامر 💔
لدرجه حتى فالعيد اخواته يجون الصباح يعيدون معانا وام زوجي تخلينا نروح العصر لهم مره ثانيه نعيد وبالليل هم يجون عند امهم مره ثانيه يعني اعيد عليهم عشرين مره واذا قلت ابي اروح لاهلي قالت الوحده تجلس اول يوم عند اهل زوجها !!!!!طيب وبناتك يالظالمه ماشفتهم يعيدون الا معاك وتاركين اهل زوجهم
حاطه دوبها من دوبي بس مع اولادها الثانين لا اكثر من مره نروح مكان سوى هي وانا وسلفاتي كل وحده مع زوجها في سيارته راكبه وهي مع عمي وبناتها معاها والله انه تتصل في زوجي وتشرشحه ليش تروح وترجعنا من طريقنا الاتركب احد معانا مره رجعتنا وخلتنا ناخذ الخدامه مع انه سيارتهم تكفي يعني تقدر تاخذها بدل لاترجعنا بس كيد النساء ااااه
وربي مره رجعتنا تقول بناتي بيركبون معاكم ارجعو ويوم رجعنا مالقيناهم راحو مع اخوهم الثاني ليييييش يارب ليش
ومره كنا رايحين برضو مع بعض وانا طالعه بعبايتي الا واشوفها تركب عيال بناتها وبناتها مع زوجي وتسكر باب السياره بسرعه وتقول روح يالله مرتك بتركب مع اي احد والظالم راح ومشى كلامها 😒
واذا صار ورحنا مكان سوى وركبت مع زوجي لوحدي زيها زي سلفاتي شرشحتني بس نوصل وتقول ليش ماتركبين معي انا وبناتي مو شرط مع زوجك طيب الكل مع ازواجهم جت علي 😢😢
ومره رحنا عشا عند عمة زوجي وانا تأخرت لان زوجي انشغل تخيلو بس وصلت قالت قدام الحريم تستاهلين الله يزيدك عشان دلعك ماتبغين ترتزين الا جنب زوجك طيب هي راحت مع زوجها وسلفاتي راحو مع ازواجهم وش اسوي يعني
احس ودها تخترع سياره فيها مقعد واحد عشان مااركب مع زوجي نهائي😂
ومره كنت باسافر قال زوجي ناخذ اخواتي قلت طيب وراحت كلمته قالت زوجتك ماتاخذها وطلعت عليه تكلمت عليه وقالت منتي رايحه خلي بناتي يروحون مابيقعدون مرتبطين فيك 😟😟 طيب يابنت اللذينا انا وزوجي مسافرين وقررنا ناخذ بناتك ليش تنكدين علي وفعلا زوجي الظالم سمع كلامها
ادري المشكله في ضعف شخصية زوجي امامها بس خلاص هو مامنه فايده ابغى حل معاها هي
زوجي جدا بار فيها مو مقصر معها ومهتم في اخواته لدرجه تقصيره احيانا عليه انا واولادي واذا فكر يهتم فينا اكثر دعته وشرشحته وخلته يعوض اخواته بطلعه والا سفره بدوني انا واولادي والله ان زوجي كبير والشيب ملا وجهه واذا غلطو اخواته عليه مع انه اكبر منهم تجبره يروح يعتذر منهم لا ويسوي لهم عشا وزوجي مستحيل يقول كلمه لا لها او لبناتها ادري انها تغار على ولدها بس تعبت منها وربي مافي واحد اكرم اخواته واهتم فيهم زي زوجي بس مايبين بعينها
ويكون بعلمكم لليوم ماشكيت منها لزوجي ولايدري بشي اذا اخواته ضايقوني اتكلم بس امه مااجيب سيرتها ابد مع ان صار لي متزوجه اكثر من 10 سنين