ام زوجي مستقعده

السلام عليكم و رحمة الله

طبعا الحساب-مشترك- فلا تظنون صاحبته فيها انفصام خخخخخخ

ام زوجي الله يهديها جالسه عندي في بيتي من بداية رمضان
اول شي المشكله مشكلتين مب وحده !:ohwe:
زوجي من النوع الحنون بزياده يجلس "اسفه عالكلام" يجلس يحضن و يقول كلام غزل مو وقته ابد قدام خالتي كم مره صارحته قال عادي امي تراها مو غريبه !
و ثاني شي عالفطور الله يهديها مايعجبها شي مستقعده لي مره اسوي شوربه تقولي فيها قطع بصل ماطحنتيه زين اطحن البصل في اليوم الثاني تقولي ليه اللحم قليل فالشوربه اوكي اكثر لك اللحم يا امي ماعندي مشكله اكثر اللحم تقول يمافيه عظم :( !!!

و السمبوسه اسويها بالزيت تقولي انتي تبين تمرضيني ازينها بالفرن تقول ناشفه كاني اكل جرايد ! والله ماعرفت لها ابد

اخر شي لما جتني اختي قبل امس عشان زوجها عنده ورديه او شفت مدري ايش هي بس يروح من الصبح يرجع الصبح الثاني و اختي حامل على وشك ولاده جت اختي عندي بس يوم والله يوم قالت لي خالتي ليه جايبه اختك ماتبين ولدي يفطر معنا زي الناس مخليته كنه مشرد في المجلس لحاله يفطر !

وش اسوي والله ماودي اضيق صدرها بكلمه وودي ابرها بعد لكن مادري كيف اتصرف اول مره تتصرف معي كذا العاده مابيني وبينها احتكاكقوي مره عشان اعرف تصرفاتها الحقيقيه


الله يجزاكم خير