ام زوجي مو عارفين كيف نرضيها

ضايق صدري منها بدت علاقتي مع زوجي تتوتر والسبب مشاكلها وتسلطها ماني قادره كيف اكسبها مع العلم اني ولايوم رديت عليها ولااذيتها ودايمن اعطيها هدايا بالمناسبات وغير مناسبات وهدايا غاليه واجيب اشياء غاليه للمطبخ وكله من فلوسي ومو من زوجي مع ذلك ماتعتبرني ادميه وزوجه ولي حق على زوجي تتحكم فيه بشكل مبالغ فيه امامي وتهاوشه تمسح فيه الارض وماتقول هذي متزوج وزوجته لها بعد حق عليه تبغا اي شي تامره فيه يقولها حاضر رغم انه يسويلها اللي تبيه تعبت منها ومن تسلطها عليه وتخيلو يوميا تنكد علينا لمتنا تخيلو في انسان يوميا يهاوش ويزعل ومايتعب !!هي كذا ماتتعب كل يوم تحول البيت الى مشكله وتضيق صدورنا وتخلي كل واحد يروح لغرفته تحسين انها تتعب لما تشوفنا نضحك ونسولف مع بعض انسانه سلبيه وعبت البيت سلبيه ونا من النوع اللي مااحب انحكر بغرفتي احب اوسع صدري واحب لمة الاهل واحب اقعد مع خوات زوجي ونستانس بس هي تخرب الجو علينا حتى بناتها ينزعجون من اسلوبها ومانهم قادرين يغيروها ويخافون منها ومافي احد يتجرئ عليها تعبو من تسلطها وهواشها وماندري شنو الشي اللي يرضيها ورغم اني زينه معها بس ماسلمت من تحريضها علي،، زوجي جابلها طباخ بس طردته قالت ماابي انا ابي اطبخ وتشتكي لزوجي تقوله زوجتك لازم تنزل وتطبخ معاي تبغاني اكرف مو كفايه اكرف فشقتي تبغاني اكرف فشقتي وبيتها وهي اللي رافضه خدامه وطباخ اول كنت اتحملها بالبدايه بس الان ماعد صرت اتحملها اتعالج للحمل ويعطوني حبوب قويه تجيبلي غثيان واكتئاب وغير الالم النفسي من العلاجات والابر ونفسية زوجي بموضوع الحمل متحطم وينفجر لاتفه سبب لشوقه للاطفال يقول ابغى بس عالاقل طفل ونا ببذل جهدي وربنا كريم ..كيف اتعامل معاها مرات احس ودي انفجر فيها لما اشوفها تصارخ وتهاوش وتنكد علينا لمتنا بس امسك لاني اعرف الكل بيوقف ضدي مع العلم وحده من خوات زوجي تحس فيني وتقول ماالومك اذا نحن عيالها تعبنا وماقدرنا نغيرها كيف انتي بتتحملي ..علاقتي مع زوجي كويسه ماشاء الله ولله الحمد بس بمشاكلها بدت تخرب بيننا يمكن لانه ولدها وحيدها بس انا وزوجي متفقين من البدايه مانحسسها باي تغيير ومايدلعني و لايكلمني امامها واذا بغت تروح مكان نكنسل طلعتنا لين تطلع وترجع البيت ولابغت اي مشوار مستحيل يقولها مشغول ولامااقدر حتى لو مخططين نطلع ودايمن يطلعها ويمشيها ويصرف عليها وعلى خوات زوجي وماارفض حتى لو انضغطت ماديا ويقول فنص الشهر ماعندي شي وبكل الوجبات يقابلها حتى من اول يوم زواجنا ومع ذلك مافي مبرر لحركاتها وزوجي لاهاوشت وعصبت يقول هذي امي تبغيني اصارخ عليها واطقها!!يقول نفهمها بس ماتفهم خلاص تحملي ومابقدر اطلع من البيت مالي غيرها وماالومه مافي يده شي ..يابنات احس نفسي بنفجر منها حتى العلاج لتاخر الحمل مرات يرتفع هرمون الحليب بسبب النفسيه وتهاوشني الدكتوره ونخسر العلاج نرجع من اول وجديد خبروني اشلون اتعامل معها