صباحكم ورد حوائيات ..
رُزقت او بُليت ما اعرف حقيقة بام زوج عاطفية جدااااااااا تحبنا حتى الموت،
تعشق زوجي بحكم انه الولد البكر،
تمووووت على بنتي 9 شهور لانها اول حفيدة والوحيدة،
تقدرني وتستحي مني لاني زوجه ولدها الكبير ..
الين هنا الكلام جميل!
المشكلة انها من حبها وانا اقول حب مو لقافة او اي شي ثاني لا لا من الحب تتدخل في كل شي تدخل علي في بيتي في اي وقت واي زمان لا احم ولا دستور <<< اننننننننن ما ادري الا اانها على راسي في غرفة النوم احيان اكون بلبس استحي امي تشوفني فيه وهادي ما عندها .. تقولي قفلي بيتك زوجي معطيها مفتاح ومستحي يردها او يطلبه فصرت اقفل واحط المفتاح بالباب عشان ماتدخل!
من حبها لولدها تتصل كل شوية اكلت شربت نمت رحت الدوام وينك وين حرمتك، و زوجي مستحييييييييييييل يدس عنها اي شي انا يدس علي ولا يخبي عليها! احس انه ما يقدر يخبي شي من داخله يخليه يخر عندها بالسوالف .. ماعلي هدا من حبهم في بعض.. المشكلة انها CNN تقريري اليومي يروح لكل العائله! قبل ما اسافر بشهرين كل قبيلتهم درت اني مسافرة يوم كدا كدا.. برضه بكيفه بالرغم انه سفيت تراب في السفرية دي واتبهدلنا فيها وانهنا وتعبنا وخسرنا بس الحمد لله!
المشكلة حاليا انها متعلقة حييييييل ببنتي ماتبغاها تغيب عنها والله لمن اخدها عشان انومها ولا اخرج لاهلي ولا سوق عمتي تبكي .. ما اكدب والله تبكي وادا غابت بنتي عنها يومين تتصل اخته تقول ليه تخلين امي تبكي انا مو قصدي لكن مو لهالدرجة احيان يتحايلون اهله ( ابوه اخته خالته اخوانه) باي شي عشان اودي بنتي عند جدتها باشياء والله لو اقولكم تضحكون، وادا حطيتها عندهم بروح مشوار وارجع اخدها يدسونها في غرفة النوم ويقولون نايمة خلاص خليها لا تصحيها وتعالي خديها بكرة بالرغم اني سامعه هروجها ولعبها !!
سافرت وخليت بنتي عندها وقلت لها راح تجي امي تاخدها بعد اسبوع لفت وجهها بزعل وقالت طيب مو مشكلة، بعد اسبوع امي كلمتها وقالت بنمر ناخد االبنت لقوا عمتي منهااااااارة قالت امي خلاص والله ماناخد البنت ما دام الحرمة بتموت ، كانها استحت وقالت الا تاخدوها بعدها بيومين راحت لاهلي وهم في مدينة ثانية عشان تشوفها وبعدها بيومين رجعت اخدتها ...
الكلام حلو والحب حميل والتقدير اروع وممكن تقولون الله يزيدكم حب وود ..
المصيبة في هادي المشكلة انه لا اخدت البنت ماااااااااااااافي اهتمام فيها ابدن، الحفاظة تقعد بال12 ساعة احيان وطوالي وراها حفاظة ثانية بدون كريم بدون تهويه فصايرة ياحرام دااايمن ملتهبه المنطقة ..
مافي اكل مرررررررة بس رضاعه حليب كل مدري كم بس تطول، والله لمن اجي واكل بنتي احسها جوعااااااانه ..
دايمن حلقها ملتهب تعطيها مويه باردة من البرادة طوالي واقول يا عمتي بارد عليها تقول يعني تشرب حار يشوى جوفها :S
ادا اكلتها قدامهم تعرفون الاطفال تبى اللعب شوية والاكل شوية تقول عمتي خلاص ما تبغى حرام خلاص لا تاكليها! ادا اعطيتها الاعشاب قالت حرام بهدلتيها، ادا دهنتها بزيت دافي قالت حرام ليه تسوين بالبنت كدا، ادا بكت تتدلع تبغى الشيل او اي شي بيدي قالت انتم ماتستاهلون النعمة.. تحوس البنت تبغى النوم واعرفها من عيونها بس تبغى هدوء او احد يهزها شوية عشان تنام قالت انتي بتحرمين البنت خليها تلعب !! بالله الطفلة اش عرفها بمصلحة نفسها! ادا طاحت بنتي او تعورت او بكت تبكي عمتي معها وتقول والله تعورت .. طيب طبيعي ادا طاحت تتعور :(
تنزل السوق وتدور تدور تشتري لها موديلات والوان انا مرررة ماتعجبني ولا هو ستايلي واستحي البسها كدا قدام صديقاتي او اهلي ، هي والله ماتقصر تتعب عشان بنتي لكن انا ما ابغى بنتي تلبس هدا اللبس لكن مجبورة عشان عمتي :(
بنتي صحتها دايمن تعبانه نفسيتها تعبانه عدوانية وزنها صغير مقارنة بسنها واللي يشوفها يقول امها ماتهتم فيها ، او انتم اكلتو الاكل على البنت ما يدرون اني اخليها اكثر ساعات اليوم عند عمتي ومافي احد يهتم فيها :( وانا استحي اقول اي شي ولا اقدر اكلم زوجي لانه دايمن يقول امي محرومة من الاطفال، هده الطفلة تحس انها بنتها، وما اقدر اكثر عليه لان الكلام في الاهل يجرح وبعدين الحرمة تحب وكم مرة قالوا لي اعطينا هدا البنت ونعطيك 50 الف وجيبي غيرها ، قلت ابدن مافرط في عيالي :44:
صراحة محتارة في هدا الحب سوت زي الدب اللي ضم ولده من حب ، ضمة جابت اجله :(
كثرت الكلام لكن قلبي والله ملياااان ومحتارة وش السواه مع هدا الحب القاتل :(
Arabain Miss @arabain_miss
عضوة نشيطة
يلزم عليك تسجيل الدخول أولًا لكتابة تعليق.
انا وحدي في الكون
•
الله يعينك
معليش لازم تتفاهمي مع زوجك
خليه يشوف شكل بنته لما تجي من اهله
وان شاء الله مرحله وتعدي لما يتزوجوا عيال وبنات عمتك ويخلفوا
خليه يشوف شكل بنته لما تجي من اهله
وان شاء الله مرحله وتعدي لما يتزوجوا عيال وبنات عمتك ويخلفوا
مثل ما قلو الاخوات جيبي مربيه وخلاص
بس من جد رحمتك
الله يعينك عـلى مآبتلاك .. ولا بعد عجوز ان لله ....
بس من جد رحمتك
الله يعينك عـلى مآبتلاك .. ولا بعد عجوز ان لله ....
الصفحة الأخيرة