ام زوجي والمقارنات بين حريم عيالها

السلام عليكم ورحمة الله وبركاته


ياحريم ياعاقلات انا واعوذبالله من كلمة انا دايم انصح المتزوجات بامور الزوج والبيت والاسره والحمدلله انسانه واعيه ولكن
اعاني من مقارنات ام زوجي بيننا
انا اللي اخدم واساعد واوقف معهم واستقبل لاصارت عندهم مناسبات واحترمهم الصغير قبل الكبير
واكظم غيظي عن تصرفاتهم اللي تفقع الكبد
انا انسانه ماحب الاسراف ولاحب احمل زوجي فوق طاقته وهو عارف هالشي وفاهمه
ومشترياتي من السوق بحدود المعقول وشتري لها معي مستحيل اشتري لنفسي وماشتري لها بالاعياد والمناسبات
بالذات انا من حريم عيالها




وعندها مرت ولد بخيله على نفسها مررره يعني تشوفونها مررره ملابسها هريانه وقديمه وتحسين انها بنت فقر لدرجه ام زوجي ماتحب تناديها عند الضيوف لانها تفشلها


المهم اذا جلست اسولف معها بس تمدح مرت ولدها اللي بخيله على نفسها
تقول ماشاء الله عليها تقولي وشوله اشتري اثاث واحط زوجي الديون
وهي بكلامها هذا تبغاني اسوي زيها ماشتري واتمخلق بلبسي ولا اغير اثاثي


كلما تكلمت بشي جابت طاريها ماااااشاء الله على فلااااانه ماشاء الله
ثم انا خلاص تطق روحي انا اللي اساعدها وقايمه فيها ومهتمه فيها واذا بغت شي قالت لي انا


ومرت ولدها اللي تمدحها سافههتهم ولاتخدمهم ولامكلفه عمرها لهم تسوي حسب المزاج




ومع هذا بس تمدحها وش اسوي كيف اتصرف بالله عليكم عطوني رايكم


لايدخل الا العاقلات واللي معروفات بحسن المشوره


انا ولله الحمد مو صغيره عيالي كبار بس نفسيتي تعبت من هالتصرف دلوووني دلكم ربي على الخير