مشكوورين كلكم
عرضت الردود على صديقتي
وبالنسبة للحاف مادام خلاص فصلته أم ازوج خلاص ما ينفع أن تردها زوجة ولدها خلص تقبله منها وتشكرها .. اومع اوقت ان شاء الله راح تستقل بحياتها وامورها لكن بالتدريج والله يسخرهم لبعض.
الصفحة الأخيرة
هذا اللي قاعدة تسويه أم الزوج خنق بالطيبة !. قتل بسيف الطيبة .!
البنت من حقها انها تستقل بحياتها هيا وزوجها ويواجهوا ظروف الحياة بأنفسهم بحلوها ومرها مو أحد يفصل لهم وهما يلبسوا ..
الله يكون بعون صاحبة المشكلة بس أنا برأيي إنها تنتبه وتغير الوضع بالتدريج وماتوصل الامور لحد المشاكل والزعل وتحاول تقنع زوجها بضرورة انهم يستقلوا بحياتهم . .
وتحاول تفهمه انه راتبه كويس ويكفيهم ..
واذا على ملابس البيبي اذا زوجها رضي انه ينزلهاا السوق..وتشتري هيا للبيبي كخطوة اولى للانفصال عن تدخلات أمه .. فكويس ..
واذا مارضي يعطيها .. تتسلف من أمها وتنزل تشتري للبيبي بس بشرط يكون زوجها موافق .. ومقتنع بفكرة انهم يعتمدوا على نفسهم في تدبير أمورهم بعيد عن تدخلات أمه ..
وبعدين تقول ﻷم زوجها اذا جات فرصة مناسبة بطريقة حلوة وفيها أدب انا ياعمة خلاص اشتريت للبيبي وقضيتله كل شي ... بتقول ليش راتبه مايكفي ..
تقول لها : لا ياعمة يكفينا وزيادة الحمد لله وتحاول تكون لطيفة وحازمة في موضوع التدخل ..
وبالتدريج عشان ماتسير مشاكل وزعل ﻷن الموضوع ماحيكون سهل ..
و أسوأ شيء في الحياة ان يحرمك شخص متعة الاستقلال واتخاذ القرار في أمور تخصك وانتي تبغي تسويها بنفسك وبطريقتك ..اش فايدة الحياة واش متعتها اذا فيه شخص يسويلك كل شي ويحسسك انك اعتمادي واتكالي مع الوقت فعلا راح يصير الواحد اتكالي والدليل ولدها كل شي يروح يسأل أمه ..لأنه مو متعود يتصرف بنفسه .. فيه أسوأ من كذا ؟
وتقولوا طيبة ! أي طيبة والله انه شي متعب للنفسية !
والله يعين صاحبة المشكلة لازم تصبر وتغير تفكير زوجها بالحكمة وبالتدريج وبدون مشاكل وترضى ببعض التدخلات مؤقتا الين يتغير الوضع واكيد مع الدعاء والالتجاء لله بتنحل مشكلتها وخليها تدعي ان يلهمها ربي التصرف الصحيح..