ام زوجي وتصرفاتها حيرتني💔

اولا ام زوجي علاقتي معاها رسميه بعد ماكانت تضايقني بكلامها وتدخلاتها حتى على تربيتي لعيالي واشيا واشيا لاتطاق كانت تحسسني وحده مااستاهل ريال واحد من زوجي لدرجه مره لابست خاتم ذهب جالسه تقزني بعينها و تحقق معاي من ويلك الخاتم ها😂 متى اشتريته وغير وغير اشيا خليني ساكته احس المهم بعدها عرفت ماله داعي الميانه وروحه والجيه كل شوي عندها ماستفدت غير النفسيه إلى جابتها لي لا احترام لي ولا زوجي ولا لأهلي انا على نياتي اجيها اعتبرها مثل امي ولكن والله ماهي مثل امي أمي تفرح لي على فكره ام زوجي غنيه ماقاصرها شي يمكن وراها نص مليون ماشاالله الله يزيدها ويرزقني فوق ذا زوجي يعطيها مصروف وعندها راتب تقاعد وضمان ماهي محتاجه اصلا بس كذا تحب تأخذ من اعيالها غير لو يجونها بنات اختها أو أي أحد قريب لها من الضيافه عندها تعطيهم فلوس إذا ماتعشو عندها المهم ماعليه من ذا كله فلوسها حره بكيفها لكن المضايقات إلى تسويها مادري انتم تشوفونها مضايقات زي ولا لا المهم زوجي إلى هو ولدها يجيها يوميا بعد الدوام ويجلس عندها تقريبا ساعه وبعض الاحيان يتغدا عندها ويطلع البيت وبعدها بساعتين تتصل وينك مادري ايش ابيك تروح البقاله تجيب لي أغراض مع العلم البيت في لها اعيال وأحفاد وهي كل يووووم اتصال على زوجي تعال قضى لي طيب ولدها مسكين جاي من عمل وتعبان ويبغي يرتاح وينام هي لا ماعندها كذا ماغير اتصالات وتعال وهات وجيب وينك انت في البيت ولابرا وسيارتك ماشفتها برا طيب لو تبغى شي من البقاله فعلا تتصل عليه هو في العمل هو جاي بطريق وتطلب هي ماتطلب الين يدخل بيته لدرجه زوجي مره لما كنا برا قالها اي ياامي انا برا اتصلي على أي أحد في البيت يروحو يشترون لك ي بنات ماعاد صرت اعرف هي فعلا تبغى يشتري لها ولا تبغى تشوف وين نروح وين نجي ولا تبغى تشغله يمها انا ماقلت شي اكيد أمه بس انتم تشوفون تصرفاتها عادي ولا لا مع اني ماعندي خصوصيه لو نطلع تعرف اننا طلعنا لأنها كل يوم اتصاااال ولا يوم جلست بدون اتصال هذا زوجي يجيها كل يوم مع انه ماغاب عنها وش تنصحوني ي بنات والله تعبت منها ومن مالاحقتها بسالتها إلى مالها داعي مادري وش تبي 😢