ام زوجي وحالتها النفسيه الله يسعدها اللي ترد

بسم الله الرحمن الرحيم
السلام عليكم ورحمة الله وبركاته
بدخل في الموضوع بسرعه وبدون مقدمات
هذي سلمكم الله ام زوجي وهي في منزلة امي تعاني من اضطرابات نفسيه مالها تفسير في البدايه فكرناها عرضيه وتنتهي
بس تفاقمت الامور عندها ولها يمكن حول 3 سنين وهي تعاني
خليني افسر لكم حالتها
هي تقول انها تخاف من الوحده ولا تبغى احد من اولادها يسافر ويخليها تخاف نجلس لحالها
سفر ماتحب تسافر تحس بخوف ما تحب تغير بيتها مع انها لما تسافر تروح لبيوتها وعمي معاها ونحنا اغلب الاحيان نسافر معاه واذا مو نحنا اولادها وعوائلهم
تقول كمان ما يجيها نوم في الليل تسمع اصوات احيان تسمع كانه اصوات عيال يبكون او احفادها او قربعه وتخاف من هالامور
جبنا لها شيخ وقرا على غرفتها وقرا عليها واعطاها زيت ومويه بس ما حست بشي
راحت عند طبيبه نفسيه بمستشفى سليمان فقيه بس اتدهورت حالتها زياده بس اعطتهاه مهديات وحبوب للنوم
اوقات من السنه تخف واوقات تكون عليها قويه بس مو باين انها تعبانه يعني الحمد لله اكلها عادي صلاتها اي عمل بس ما تحب تسافر ولا تزور احد
مع العلم قبل كذا كانت عادي تسافر لحالها هي وعمي وتروح للجيران
اللي ابغاه منكم اي وحده راحت لطبيب نفسي بجده وتشافت من حالتها انها تقولي اسم العياده او المستشفى واسم الدكتور