ام زوجي وحركاتها

السلام عليكم صباح النور*
امس صار موقف مع ام زوجي يمكن انتم بالنسبه لكم تافهه بس مره اثر فيني حسيت ماتطيقني وتكرهني يشهدالله اني اعاملها بكل طيب ولا اتعمد اذيتها امس بناتها يتكلمون عن احاديث قال صلى الله عليه وسلم (الجنه تحت اقدام الامهات) وبعضهم يتكلم انو الحديث ضعيف وهكذا الاطفال الموجودين جلسو يسالو امهاتهم صح الجنه تحت قدميك ويتسالون وام زوجي ساكته جاء ولدي سالها صح الجنه تحت قدميك وتبتسم وماردت وسالني نفس سوالها نطت على ولدي قالت حتى تحت رجول ابوك مو بس امك حاولت اتكلم ماخلت لي مجال اتكلم وتشرح وتبرر لولدي ابوك وابوك وتعطيه معلومات غلط وعيال بناتها مطنشتهم مواقف كثيره زي كذا انا انسانه اجتماعيه وعفويه بالكلام وهي تدقق بكلامي وترد وتجرحني حتى قدام زوجي وقدام الكل بس من تحت لتحت بدون مشاكل وبدون مواجهه مره كنا عندها وفيه مسلسل بدوي على التلفزيون وعن بنت العم وولد العم المسلسلات القديمه جلست اعلق قلت يالله يادنيا محد يدري عن احد الحين لا بنت عم ولا ولد عم وكلامي كان عام قصدت ان الناس الحين مو زي قبل التهت وانشغلت وقامت ردت علي حتى بنت العم هالايام عجزانه عن اكل وقهوة زوجها طبعا زوجي ولد عمي وقبل فتره خلص الغاز عندنا وزوجي عنده ضيوف اخذ ثلاجه من عندي وطلب منها تسوي قهوه له زوجي من تكلمت سوا نفسه مشغول بالجوال وانا سكت مارديت عليها كرهت اتكلم معاها او قدامها ودايم مواقفها كذا معاي وكلها من تحت لتحت وانا ماعرف لهالحركات ولا عندي ردود سريعه عكس سلفاتي مايجونها واذا جو ساعه ويروحون كنت اجيها لوحدي وتعطيني على راسي فصرت اجيها اذا عندها ضيوف او مع زوجي ساعتين ثلاث واروح ماطول ارجع من عندها نفسيتي زفت واندم اني زرتها وانا مابغا مشاكل وقطعيه ومابغا اروح وارجع متكدره منها لاني مااقدر عليها لو ارددها بيركبوني الغلط ودايم تتكلم عن اخواتي واخواني وتسبهم بطريقه غير مباشره واطنشها يعني تجيب سيرة امي واخوي وتسألني وبنفس دقيقه تالف سيناريو عن نفس قصة امي واخوي وتسبهم ان فلانه سوت كذا وكذا وتاخذ راحتها بالسب عشان ماتخلي لي مجال ادافع وبتقول انا اقصد اللي بالقصه يارب فهمتو قصدي كيف اتجنبها